VIDEO : લાખોના ઘરેણાં જાહેરમાં પડી રહ્યાં તોય કોઈએ ના ઉપાડ્યા... શહેરની ઈમાનદારીથી લોકો હેરાન
- સોશિયલ એક્સપેરિમેન્ટમાં એક મહિલા વિડીયો થયો વાયરલ
- મહિલાએ કારના બોનેટ લાખોના ઘરેણાં મૂકી દીઘા
- દુનિયાના સૌથી સુરક્ષિત શહેરોમાંથી એક ગણાય છે
VIDEO: લાખોના ઘરેણાં જાહેરમાં પડી રહ્યા તો પણ કોઈએ તેને હાથ પણ ન લગાડ્યો, આ વાત સાંભળવામાં ચોંકાવનારી લાગે છે પરંતુ આ હકીકત છે. તાજેતરમાં જ સોશિયલ એક્સપેરિમેન્ટનો એક વીડિયો(VIDEO) વાયરલ થયો છે, જેમાં આવો જ નજારો જોવા મળ્યો છે.
લોકોએ ઘરેણાંને સ્પર્શ પણ ન કર્યા.
આ સોશિયલ એક્સપેરિમેન્ટમાં એક મહિલાએ કારના બોનેટ પર લાખોના ઘરેણાં મૂકી દીધાઅને ત્યાં એક હિડન કેમેરો લગાવી દીધો. એક કલાકમાં સેંકડો લોકોની નજર આ ઘરેણાં પર પડી પરંતુ કોઈએ તેને સ્પર્શ પણ ન કર્યા. મહત્વની વાત એ છે કે, જ્યારે એક ઘરેણું નીચે પડી ગયું તો ત્યાંથી પસાર થતી એક છોકરીએ તેને ઉપાડીને પાછું મૂકી દીધું. આ જોઈને એક્સપેરિમેન્ટ કરી રહેલી મહિલા પણ હેરાન રહી ગઈ.
View this post on Instagram
બઈની સુરક્ષા પર વિશ્વાસ
આ વીડિયો દુબઈનો છે, જે દુનિયાના સૌથી સુરક્ષિત શહેરોમાંથી એક ગણાય છે. ક્રાઈમ એન્ડ સેફ્ટી ઈન્ડેક્સ 2024 પ્રમાણે દુબઈનું નામ વિશ્વના પાંચ સૌથી સુરક્ષિત શહેરોમાં સામેલ છે. Numbeoના 2024ના આંકડા પ્રમાણે દુબઈમાં ગુનાખોરીનો દર ખૂબ જ ઓછો છે અને તેનો સુરક્ષા સ્કોર ઘણો ઊંચો છે. હવે આ વાયરલ વીડિયો આ દાવાઓને સાચા સાબિત કરે છે.
આ પણ વાંચો -Shocking : દેહરાદૂનનો રાજુ અને ગાઝિયાબાદનો મોનુ એક જ નીકળ્યો
વીડિયો પર યુઝર્સની પ્રતિક્રિયા
આ વીડિયો ઈન્સ્ટાગ્રામ પર leylafshonkar નામના એકાઉન્ટમાંથી શેર કરવામાં આવ્યો છે અને અત્યાર સુધી 80 લાખથી વધુ લોકો જોઈ ચૂક્યા છે. વીડિયો પર લોકો અનેક મજેદાર અને રસપ્રદ કોમેન્ટ કરી રહ્યા છે.