નાયબ મુખ્યમંત્રી બનતાની સાથે જ Harsh Sanghvi રમત-ગમત મંત્રીને કેમ મળ્યા?
- Harsh Sanghvi ના ચાર્જ પછી એક્શન : જયરામ ગામીતે SAGમાં પ્રોજેક્ટ્સની સમીક્ષા કરી
- નાયબ મુખ્યમંત્રી સંઘવીની સૂચનાથી રમતગમત વિભાગ પણ એક્શન મોડમાં, કોમનવેલ્થની તૈયારી પર ભાર
- ચાર્જ સંભાળતાં જ હર્ષ સંઘવીએ લીધી બેઠક, ગામીત SAG મુલાકાતે
- રમતગમત ક્ષેત્રે નવી કામગીરી : સંઘવી-ગામીતના પ્રયાસોથી ઓલિમ્પિક સ્વપ્નને વેગ
- હર્ષ સંઘવીના નેતૃત્વમાં રમત વિભાગમાં એક્શન મોડ, પ્રોજેક્ટ્સની વિગતવાર સમીક્ષા
ગાંધીનગર : ગુજરાતના નાયબ મુખ્યમંત્રી હર્ષ સંઘવીએ ( Harsh Sanghvi ) રમતગમત, યુવા અને સાંસ્કૃતિક પ્રવૃત્તિઓ વિભાગનું ચાર્જ સંભાળતાં જ ઝડપી કામગીરી શરૂ કરી દીધી છે. વિભાગના અધિકારીઓ સાથે લીધેલી બેઠક પછી તેમણે રાજ્ય કક્ષાના મંત્રી જયરામ ગામીતને પણ એક્શન મોડમાં લાવી દીધા છે. હર્ષ સંઘવી સાથેની બેઠક પછી મંત્રી ગામીતે સ્પોર્ટ્સ ઓથોરિટી ઓફ ગુજરાત (SAG)ના મુખ્યાલયની મુલાકાત લઈને ચાલુ પ્રોજેક્ટ્સની વિગતવાર સમીક્ષા કરી, જેમાં આગામી ઓલિમ્પિક માટે તૈયારીઓ પર વિશેષ ભાર મૂકવામાં આવ્યો છે.
તો પાછલા દિવસોમાં જ કોમનવેલ્થ સ્પોર્ટ્સના એક્ઝિક્યુટિવ બોર્ડે અમદાવાદને 2030ના સેન્ટેનરી કોમનવેલ્થ ગેમ્સના આયોજન માટે મંજૂરી આપી દીધી છે. આ ઘોષણાથી ભારતમાં ઉત્સાહનો વાતાવરણ ફરી વળ્યો છે, અને કેન્દ્રીય ગૃહ મંત્રી અમિત શાહે તેને 'ભારત માટે આનંદનો દિવસ' ગણાવ્યો છે. આ ઘટના 1930માં હેમિલ્ટનમાં યોજાયેલા પ્રથમ ગેમ્સની 100મી વર્ષગાંઠને ઉજવશે, અને અમદાવાદને નાઈજીરિયાના અબુજા પર વધુ પ્રાધાન્ય મળ્યું છે.
ગુજરાતને કોમનવેલ્થની યજમાની મળવા પાછળ હર્ષ સંઘવીની મોટી ભૂમિકા રહેલી છે. તેથી નાયબ મુખ્યમંત્રી બન્યા પછી તેઓ કોમનવેલ્થના આયોજનને લઈને જરાપણ કાચું કાંપવા માંગતા નથી, તે સ્પષ્ટપણે દેખાઈ રહ્યું છે.
સંઘવીએ વિભાગના અધિકારીઓ સાથે ગાંધીનગરમાં યોજાયેલી બેઠકમાં રમતગમત ક્ષેત્રે ચાલી રહેલા તમામ પ્રોજેક્ટ્સ, યોજનાઓ અને ખર્ચની વિગતોની સમીક્ષા કરી છે. તેમણે સ્પષ્ટ સૂચના આપી કે, રાજ્યની રમતગમત નીતિને વધુ મજબૂત બનાવીને યુવા પેઢીને ઓલિમ્પિક કક્ષાના ખેલાડીઓ તરીકે તૈયાર કરવાનું લક્ષ્ય હોવું જોઈએ. આ બેઠક પછી મંત્રી જયરામ ગામીતે તાત્કાલિક SAGના મુખ્યાલયની મુલાકાત લીધી હતી. જ્યાં તેમણે ચાલુ પ્રોજેક્ટ્સની પ્રગતિ, ખર્ચ અને પડકારોની વિગતવાર ચર્ચા કરી છે.
ગામીતે મુલાકાત દરમિયાન જણાવ્યું કે, "નાયબ મુખ્યમંત્રીશ્રીની સૂચનાઓ અનુસાર, રમતગમત ક્ષેત્રે ચાલી રહેલા તમામ પ્રોજેક્ટ્સની સમીક્ષા કરવામાં આવી છે. આગામી સમયમાં ઓલિમ્પિકના સ્વપ્નને પૂર્ણ કરવા માટે વધુ કામગીરી કરવાની યોજના છે. SAG દ્વારા ચલાવવામાં આવતી યોજનાઓ જેમ કે કેન્દ્ર ઓફ એક્સલન્સ અને ખેલમહાકુંભને વધુ અસરકારક બનાવવા પર ભાર મૂકાશે." આ મુલાકાતમાં SAGના અધિકારીઓએ પણ પ્રોજેક્ટ્સની વર્તમાન સ્થિતિ અને ભવિષ્યની યોજનાઓ વિશે વિગતો આપી હતી.
આ પગલાંથી રમતગમત વિભાગમાં નવી ઉર્જા આવી છે, જે રાજ્યના યુવાનોને આંતરરાષ્ટ્રીય કક્ષાએ લઈ જવાનું કાર્ય સરળ બનાવશે. વિભાગના અધિકારીઓએ જણાવ્યું કે, આવી ઝડપી કાર્યવાહીથી રાજ્યની રમતગમત નીતિને નવી ઊંચાઈઓ મળશે. આગામી મહિનાઓમાં વધુ બેઠકો સાથે યુદ્ધના ધોરણે કામગીરી કરવામાં આવી શકે છે.
આ પણ વાંચો- Gujarat New Cabinet : દિલીપ સંઘાણી સાથે EXCLUSIVE સંવાદ, કહ્યું- જયેશ રાદડિયાને તક આપી હોત તો..!