Vipul Pandya
146
મહેસાણા એસ ટી વિભાગ દ્વારા એસ ટી ના કંડકટરો ને અજબ ગજબ નો આદેશ કરવામાં આવ્યો છે. ટિકિટના રોલની અંદરથી નિકળતી ભુંગળીઓ ભેગી કરવાનો આદેશ કરવામાં આવ્યો છે. પ્લાસ્ટિકની ભુંગળીઓ હવેથી સ્ક્રેપ રૂપે ભેગી કરવા આદેશ કરાયો છે. જે સ્ક્રેપ ભૂંગળી ઓ વેચાણ કરી એસ ટી વિભાગ કમાણી કરશે. અને આ આદેશ થકી બિન જરૂરી ટિકિટ રોલ ઉપયોગ કે સગે વગે થતા પણ અટકાવવા પ્રયાસ પણ કરાયો છે.
.jpg?type=webp&quality=80)
એસ ટી બસ માં મુસાફરી દરમ્યાન કંડકટર દ્વારા ટિકિટ મશીનથી જે ટિકિટ આપવામાં આવે છે તેના માટે ઉપયોગમાં લેવામાં આવતા થર્મલ રોલ પૂર્ણ થયા બાદ નિકળતી ભૂંગળી ઓ હવે કંડકટરોએ ભેગી કરવી પડશે. અને ભૂંગળી ઓ જમા કરાવ્યા બાદ જ સામે નવા ટિકિટના રોલ મળશે. અંદાજે 5 લાખ ભુંગળીઓ મહેસાણમાં અને ગુજરાતમાં 1.50 કરોડ ભૂંગળી નિકળે છે. અને પરિપત્ર મુજબ દરેક કંડક્ટરે 100-100 નંગનો જથ્થામાં ભૂંગળીઓ જમા કરાવવાની રહેશે. ભૂંગળીઓ જમા થશે તેની સામે નવો રોલ ઇશ્યુ કરવામાં આવશે. કંડકટરો દ્વારા મુસાફરો ની ટિકિટ આપવા માટે વાપરવામાં આવતા થર્મલ કાગળ ના રોલ નો વપરાશ પૂરો થતા તેમાં રહેલી પ્લાસ્ટિક ની ભૂંગળી ઓ અત્યાર સુધી ફેંકી દેવામા આવતી હતી. અને થર્મલ કાગળના રોલ નો પણ જરૂરિયાત કરતા વધુ ઉપયોગ થઈ રહ્યો હતો. જેને કારણે અછત પણ સર્જાતી હતી. જેની પર રોક લગાવવા મહેસાણા એસ ટી વિભાગ દ્વારા આ નવો ઉપાય કરવામાં આવ્યો છે. અને મહેસાણા વિભાગીય એસ ટી નિગમ હેઠળ આવતા ઉત્તર ગુજરાતના 12 ડેપોના કંડકટરો ને આદેશ કરાયો છે કે ટિકિટ માટે વપરાશ કરાયેલ રોલ પૂર્ણ થયા બાદ હવે કંડકટર રોલમાંથી નિકળેલ ભૂંગળી જમા કરાવી રહ્યા છે.
.jpg?type=webp&quality=80)
એક તરફ એસ ટી વિભાગે પરિપત્ર કરવાને કારણે કાગળના રોલની અછત દૂર કરવા, દૂર ઉપયોગ ટાળવા અને સ્ક્રેપ માંથી કમાણી કરવાનુ વિચારી આ આદેશ કર્યો છે. તો બીજી તરફ બસમાં ટિકિટ આપતા કંડકટર આવા નિયમો થી અકળાઈ રહ્યા છે. કારણ કે હવે રોલ માંથી નિકળતી પ્લાસ્ટિક ની ભૂંગળી આખો દિવસ સાચવી રાખવી પડે છે. અને ડેપો પરત ન આવે ત્યાં સુધી ભૂંગળી નો હિસાબ રાખવો પડે છે. કારણ કે ભૂંગળી સામે જ બીજા ટિકિટ રોલ મળશે. તો ઘણીવાર વધુ રોલ ની જરૂરિયાત સામે ઓછી ભૂંગળી આપે તો રોલ આપનાર કર્મચારીઓ સાથે પણ કંડકટર માથાકૂટ કરી બેસે છે. એટલે આ નિયમ કંડકટર અને રોલ આપનાર – ભૂંગળી ભેગી કરનાર કર્મીઓ માટે માથાનો દુખાવો બની ગયો છે.
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ
