આ દેશમાં મહિલાઓને ભાડા પર ગર્ભ આપવા માટે મળે છે અધધ રૂપિયા….

માતા બનવું એ દરેક મહિલા માટે ખૂબ જ ખુશીની વાત હોય છે, પરંતુ ઘણા કારણોસર કેટલીક મહિલાઓ માતા બની શકતી નથી. માતા ન બની શકવાના ઘણા કારણો હોઈ શકે છે જેમ કે કસુવાવડ અથવા ગર્ભાવસ્થામાં સમસ્યાઓ તો પુરૂષને કોઈ જાતિય તકલીફ હોય. આવી સ્થિતિમાં ઘણી સ્ત્રીઓ સરોગસી મારફતે માતા બને છે. વિશ્વભરમાં એવા ઘણા યુગલો છે જેઓ સરોગસીનો વિકલ્પ પસંદ કરે છે. આવી સ્થિતિમાં આજે અમે તમને એક એવા દેશ વિશે જણાવવા જઈ રહ્યા છીએ જ્યાં સરોગસી એક બિઝનેસની જેમ ચલાવવામાં આવે છે.

યુક્રેનમાં સરોગસી કાયદેસર હોવાથી અહીં દર વર્ષે હજારો બાળકોને જન્મ આપવામાં આવે છે. આ કારણથી આ દેશ સરોગસીનું કેન્દ્ર બની રહ્યો છે. યુક્રેનની તમામ કંપનીઓ આ વ્યવસાયમાં રોકાયેલી છે. આ માટે, પ્રમોશનલ વીડિયોઝ અને ઇવેન્ટ્સ ચલાવવામાં આવે છે.

છેલ્લા કેટલાક વર્ષોમાં, માતા-પિતા બનવાની ઈચ્છા ધરાવતા ઘણા લોકો આ દેશમાં જઈ રહ્યા છે. અમે યુક્રેન વિશે વાત કરી રહ્યા છીએ. યુક્રેનમાં સરોગસી કાયદેસર હોવાથી અહીં દર વર્ષે હજારો બાળકોને જન્મ આપવામાં આવે છે. આ કારણથી આ દેશને સરોગસીની ફેક્ટરી તરીકે પણ ઓળખવામાં આવે છે.

તમને જણાવી દઈએ કે યુક્રેનની તમામ કંપનીઓ આ બિઝનેસમાં લાગેલી છે. આ માટે પ્રમોશનલ વીડિયો અને ઈવેન્ટ્સ ચલાવવામાં આવે છે, જેમાં બાળકો સાથે ખુશ કપલ જોઈને લોકો આકર્ષાય છે. જે મહિલાઓ પોતાની સ્વતંત્ર ઇચ્છાથી સરોગેટ બને છે, તેમને કંપનીઓ એકવાર ગર્ભવતી થવા માટે $11,000 (આશરે રૂ. 8,00,000) આપે છે અને વધુમાં, $250 (આશરે રૂ. 18,000) દર મહિને સ્ટાઇપેન્ડ તરીકે.,  વર્ષ 2002માં કાયદેસર બન્યા પછી, ઘણા વિદેશી યુગલો સસ્તું સરોગસી સેવાઓની શોધમાં યુક્રેન જઈ રહ્યા છે. અહીં સરેરાશ પેકેજની કિંમત લગભગ $30,000 (અંદાજે રૂ. 22 થી 23 લાખ) છે.

વર્ષ, 2015થી, ભારત, નેપાળ, બાંગ્લાદેશ સહિતના ઘણા દેશોમાં વ્યવસાયિક સરોગસી અંગેની નિયંત્રણો વચ્ચે, યુક્રેનમાં તેને કાયદેસર બનાવવું એ એવા યુગલો માટે રાહતનો વિષય છે જેઓ બાળકો પેદા કરી શકતા નથી. યુક્રેનમાં સરોગસી એટલી હદે વધી ગઈ છે કે અહીંનું આરોગ્ય મંત્રાલય પણ સરોગેટ માતાઓની સંખ્યાના આંકડા આપી શકતું નથી.

મેડિકલ અને રિપ્રોડક્ટિવ ક્ષેત્રોમાં નિષ્ણાત કિવ સ્થિત વકીલ સેર્ગેઈ એન્ટોનોવના જણાવ્યા અનુસાર, ‘યુક્રેનમાં દર વર્ષે 2,000 થી 2,500 બાળકો સરોગસીથી જન્મે છે. જેમાંથી લગભગ અડધા બાયોટેક્સકોમ મારફતે જન્મે છે. જેમ જેમ બાળકોની માંગ વધી રહી છે તેમ તેમ સરોગેટ માતાઓના શોષણના પણ અહેવાલો છે.

સરોગેટ બનવાનું પસંદ કરતી ઘણી સ્ત્રીઓ કહે છે કે તેમના માટે પરિસ્થિતિ ખૂબ જ ખરાબ છે. તેઓને કેટલીકવાર અન્ય સરોગેટ માતાઓ સાથે પથારી વહેંચવાની ફરજ પાડવામાં આવે છે. મોટાભાગની મહિલાઓ નાના ગામડાઓમાંથી આવે છે અને ભયાવહ સ્થિતિમાં હોય છે. આ મહિલાઓને નિર્ધારિત રકમ ચૂકવવામાં આવતી નથી અને ગર્ભાવસ્થા પછી તેમને ગંભીર સ્થિતિમાં રાખવામાં આવે છે. આ મહિલાઓને તેમના પરિવારના સભ્યો સાથે વાત કરવાની પણ મંજૂરી નથી. 

સત્તાવાળાઓને એવી પણ શંકા છે કે કેટલાક ક્લિનિક્સ ગેરકાયદેસરરીતે બાળક દત્તક લેવા માટે સરોગસીનો ઉપયોગ કરી રહ્યાં છે. દેશના એક કમિશનર, માયકોલા કુલેબાએ ચેતવણી આપી હતી કે ‘યુક્રેન આંતરરાષ્ટ્રીય ઑનલાઇન બેબી સ્ટોર બની રહ્યું છે’. તેણે યુક્રેનની મહિલાઓના આ શોષણની નિંદા કરી અને આ ધંધા પર પ્રતિબંધ મૂકવાની પણ માંગ કરી છે.