Uttar Pradesh : અયોધ્યામાં રામ દરબારની ભવ્ય પ્રાણ પ્રતિષ્ઠા, CM યોગીને તેમના જન્મદિવસે મળી પવિત્ર ભેટ

• આજે પ્રભુ શ્રી રામના દરબાર (Ram Darbar) ની પ્રાણ પ્રતિષ્ઠા કરવામાં આવી છે
• CM Yogi Adityanath ના જન્મદિવસે તેમને મળી પવિત્ર ભેટ
• Ram Mandir ની દિવાલ પર બનેલા 8 દેવતાઓના મંદિરોમાં પણ પ્રાણ પ્રતિષ્ઠા કરવામાં આવી છે

Uttar Pradesh : વર્ષ 2024ના પ્રથમ મહિના જાન્યુઆરીની 22મી તારીખે અયોધ્યાના ભવ્ય રામ મંદિર (Ram Mandir) માં પ્રભુ શ્રી રામની પ્રાણ પ્રતિષ્ઠા કરવામાં આવી છે. આજે લગભગ 1.5 વર્ષ બાદ ભવ્ય રામ મંદિરના પ્રથમ માળે રામ દરબાર (Ram Darbar) ની પ્રાણ પ્રતિષ્ઠા પૂર્ણ કરવામાં આવી છે. આજે કરોડો રામ ભક્તોના સેંકડો વર્ષની મનસા પરિપૂર્ણ થઈ છે.

રામ દરબારનો ભવ્ય શણગાર

રામનગરી અયોધ્યામાં આજે રામ દરબાર (Ram Darbar) ને ભવ્ય રીતે શણગારવામાં આવ્યો છે. જેમાં ભગવાન શ્રી રામ સાથે માતા સીતા, હનુમાન, ભરત, લક્ષ્મણ અને શત્રુઘ્ન બિરાજમાન થયા છે. આજે વૈદિક મંત્રોચ્ચાર વચ્ચે રામ દરબારની પ્રાણ પ્રતિષ્ઠા કરવામાં આવી છે. રામ દરબારની પ્રાણ પ્રતિષ્ઠા અભિજીત મુહૂર્તમાં કરવામાં આવી છે. આ સાથે રામ મંદિરની દિવાલ પર બનેલા 8 દેવતાઓના મંદિરોમાં પણ પ્રાણ પ્રતિષ્ઠા કરવામાં આવી છે.  બ્રહ્મમુહૂર્તમાંથી જ પંડિતો, આચાર્યો અને સંતોના સામૂહિક અવાજો, શંખના અવાજ અને હવનની સુગંધથી મંદિર પરિસરમાં આધ્યાત્મિક વાતાવરણ સર્જાયું હતું.  આ સાથે રાજા રામ તેમના ભવ્ય મંદિરમાં બિરાજમાન થયા. મુખ્યમંત્રી યોગીએ બધી મૂર્તિઓનો અભિષેક કર્યો. આ પછી, રામ દરબારની મૂર્તિ પરથી આવરણ દૂર કરવામાં આવ્યું હતું.

આ પણ વાંચોઃ 'મેં બાળકોને દમ તોડતા જોયા', બેંગલુરુમાં થયેલી ભાગદોડ અંગે ડીકે શિવકુમાર ભાવુક થયા

યોગીના જન્મદિવસે તેમને મળી પવિત્ર ભેટ

ઉત્તર પ્રદેશના મુખ્યમંત્રી યોગી આદિત્યનાથ (CM Yogi Adityanath) નો આજે 50મો જન્મદિવસ છે. તેમણે આજે ગંગા દશેરા નિમિત્તે આયોજિત આ પ્રાણ પ્રતિષ્ઠા સમારોહમાં ભાગ લીધો હતો. તેમણે મૂર્તિની આરતી કરી હતી. આજના દિવસે અયોધ્યાના રામ મંદિરમાં રામ દરબારની પ્રાણ પ્રતિષ્ઠા કરવામાં આવી છે અને પ્રથમ આરતી મુખ્યમંત્રી યોગી આદિત્યનાથે ઉતારી છે. જે તેમના જન્મ દિવસે મળેલ પવિત્ર ભેટ છે.

અન્ય 8 પ્રાણ પ્રતિષ્ઠા

રામ દરબારની પ્રાણ પ્રતિષ્ઠા વૈદિક મંત્રો સાથે પૂર્ણ થઈ. સૌ પ્રથમ, સીએમ યોગીએ ભગવાનના દરબારમાં માથું નમાવ્યું. રાજા રામની સાથે, સાત મંદિરોમાં સ્થાપિત મૂર્તિઓ પણ પ્રાણ પ્રતિષ્ઠા કરવામાં આવી છે. ભવ્ય રામ મંદિરના કિલ્લાના ઉત્તર-પૂર્વ ખૂણામાં શિવલિંગ સ્થાપિત કરવામાં આવ્યું છે, પહેલા અગ્નિ ખૂણામાં શ્રી ગણેશ, દક્ષિણ બાજુની મધ્યમાં મહાબલી હનુમાન, નૈરિત ખૂણામાં દૃશ્યમાન દેવતા સૂર્ય, વાયવ્ય ખૂણામાં મા ભગવતી, ઉત્તર બાજુની મધ્યમાં અન્નપૂર્ણા માતાની મૂર્તિની પૂજા કરવામાં આવી છે.

આ પણ વાંચોઃ Azamgarh: પ્રેમિકાના પરિવારે જ કરી પ્રેમીની કરપીણ હત્યા, વાંચો શું છે મામલો