Home » હિન્દી એ વિશ્વની સૌથી મોટી લોકશાહીની ભાષાઓની વિવિધતાને એક કરવાનું નામ છે, હિન્દી દિવસ પર બોલ્યા અમિત શાહ
હિન્દી એ વિશ્વની સૌથી મોટી લોકશાહીની ભાષાઓની વિવિધતાને એક કરવાનું નામ છે, હિન્દી દિવસ પર બોલ્યા અમિત શાહ
Vishal Dave
My name is Vishal Dave, I have 15 years experience of electronic news media, have worked in various news organizations like tv9 gujarati, ABP asmita, VTV news, GSTV and Mantavya news. Writing fiction stories is my hobby.
158
હિન્દી દિવસના અવસર પર કેન્દ્રીય ગૃહમંત્રી અમિત શાહે દેશવાસીઓને સંબોધિત કર્યા. આ દરમિયાન તેમણે હિન્દી ભાષાનું મહત્વ સમજાવ્યું હતું. સ્વતંત્રતા ચળવળ દરમિયાન અને આઝાદી પછી હિન્દીના મહત્વને જોઈને બંધારણના ઘડવૈયાઓએ 14 સપ્ટેમ્બર 1949ના રોજ હિન્દીને દેશની રાષ્ટ્રભાષા તરીકે સ્વીકારી હતી. ગૃહમંત્રીએ કહ્યું કે દેશની મૌલિક અને સર્જનાત્મક અભિવ્યક્તિ તેની રાષ્ટ્રભાષામાં જ સાચા અર્થમાં વ્યક્ત થઈ શકે છે.
અમિત શાહે હિન્દીનું મહત્વ જણાવ્યું
હિન્દી દિવસના અવસર પર કેન્દ્રીય ગૃહ મંત્રી અમિત શાહે રાષ્ટ્રભાષા હિન્દીને પરિભાષિત કરતા કહ્યું કે હિન્દી એ વિશ્વની સૌથી મોટી લોકશાહીની ભાષાઓની વિવિધતાને એક કરવાનું નામ છે. તેમણે કહ્યું, ‘ભારત વર્ષોથી વિવિધ ભાષાઓનો દેશ છે અને હિન્દીને એક જનતાંત્રિક ભાષા તરીકે માનવામાં આવે છે. હિન્દીએ વિવિધ ભારતીય ભાષાઓ અને બોલીઓની સાથે ઘણી વૈશ્વિક ભાષાઓને પણ આદર આપવાનું કામ કર્યું છે. અમિત શાહે વધુમાં કહ્યું હતું કે, ‘દેશની આઝાદી દરમિયાન હિન્દી ભાષાએ દેશવાસીઓને એકસુત્રમાં બાંધવાનું અને અનેક ભાષાઓમાં વહેંચાયેલા દેશમાં એકતાની ભાવના સ્થાપિત કરવાનું કામ કર્યુ છે.
ભારતીય ભાષાઓ સંસ્કૃતિનો વારસો છેઃ શાહ
કેન્દ્રીય ગૃહમંત્રી અમિત શાહે હિન્દી દિવસના અવસર પર હિન્દી ભાષાના ઇતિહાસ પર વાત કરી હતી. તેમણે કહ્યું, ‘દેશમાં સ્વરાજ અને સ્વભાષાની ચળવળો એક સાથે ચાલી રહી હતી. આઝાદી પછી હિન્દીના મહત્વને જોઈને બંધારણના ઘડવૈયાઓએ 14 સપ્ટેમ્બર 1949ના રોજ તેને રાષ્ટ્રભાષા તરીકે સ્વીકારી લીધી.
તેમણે વધુમાં કહ્યું, ‘આપણી તમામ ભારતીય ભાષાઓ અને બોલીઓ આપણી સાંસ્કૃતિક વારસો છે અને આપણે તેને વહન કરવાની છે. હિન્દીને ક્યારેય કોઈ ભાષા સાથે કોઈ સ્પર્ધા નહોતી અને ક્યારેય હશે પણ નહીં. આપણી બધી ભાષાઓને સશક્ત બનાવવાથી એક મજબૂત રાષ્ટ્રનું નિર્માણ થશે અને મને ખાતરી છે કે હિન્દી બધી ભાષાઓને સશક્ત બનાવવા માટે કામ કરશે. અમિત શાહે કહ્યું કે ભારતે સંયુક્ત રાષ્ટ્રમાં પણ હિન્દી ભાષાના ઉપયોગને પ્રોત્સાહન આપ્યું છે. તેમણે કહ્યું કે આ વર્ષે પૂણેમાં ત્રીજી ‘ઓલ ઈન્ડિયા ઓફિશિયલ લેંગ્વેજ કોન્ફરન્સ’નું આયોજન કરવામાં આવશે.
Vishal Dave
My name is Vishal Dave, I have 15 years experience of electronic news media, have worked in various news organizations like tv9 gujarati, ABP asmita, VTV news, GSTV and Mantavya news. Writing fiction stories is my hobby.