મહિલા સૈનિકોની ટુકડીને મળવા પહોંચ્યા નેતન્યાહૂ, વાંચો અહેવાલ

ઇઝરાઈલના વડાપ્રધાન નેતન્યાહુએ મહિલા સૈનિકો સાથે મુલાકાત કરી. તેમણે કહ્યું કારાકલ રેજિમેન્ટની મહિલા સાથે છે જેમણે એક ડઝનથી વધુ આતંકવાદીઓને નાબૂત કર્યા હતા.

દેશની રક્ષામાં આ બટાલિયનની મોટી ભૂમિકા

ઈઝરાયલ અને હમાસ વચ્ચેના યુદ્ધ વચ્ચે વડાપ્રધાન બેન્જામિન નેતન્યાહુ મંગળવારે ઈઝરાયેલ આર્મીની મહિલા સૈનિકોને મળવા માટે મોરચા પર પહોંચ્યા હતા. આ મહિલા સૈનિકો ઈઝરાયેલની કારાકલ રેજિમેન્ટ સાથે જોડાયેલી છે. દેશની રક્ષામાં આ બટાલિયનની મોટી ભૂમિકા છે.

કારાકલ રેજિમેન્ટની મહિલા સૈનિકોની સાથે છે

આ મહિલા સૈનિકોને મળ્યા બાદ નેતન્યાહૂએ કહ્યું કે તેઓ કારાકલ રેજિમેન્ટની મહિલા સૈનિકોની સાથે છે જેમણે એક ડઝનથી વધુ આતંકવાદીઓને ખતમ કર્યા. તેમની અદમ્ય હિંમતને સલામ.

કારાકલ બટાલિયનની રચના 2000માં થઈ હતી

ઈઝરાયેલી સેનાની કારાકલ બટાલિયનની રચના 2000માં થઈ હતી. આ ઈઝરાયેલની પહેલી બટાલિયન છે, જેમાં પુરુષોની સાથે મહિલા સૈનિકોની પણ ભરતી કરવામાં આવી હતી. આ બટાલિયનની રચના પહેલા, ઇઝરાયેલમાં મહિલાઓને સીધા યુદ્ધ મોરચે મોકલવામાં આવતી ન હતી. તે ઈઝરાયેલની સૌથી ખતરનાક બટાલિયનમાંથી એક માનવામાં આવે છે.

200,000 સૈનિકોમાંથી લગભગ ચોથા ભાગની મહિલાઓ 

કારાકલ બટાલિયનમાં આશરે 200,000 સૈનિકોમાંથી લગભગ ચોથા ભાગની મહિલાઓ છે. 2009 થી, આ બટાલિયનમાં અંદાજે 70 ટકા મહિલાઓ છે. આ બટાલિયન મુખ્યત્વે ઇઝરાયેલને અડીને આવેલા ઇજિપ્ત અને જોર્ડનની સરહદ પર પેટ્રોલિંગનું કામ કરે છે.

મહિલા સૈનિકોએ અત્યાર સુધીમાં લગભગ 100 હમાસ લડવૈયાઓને માર્યા

આ બટાલિયનના સૈનિકો ઇઝરાયલી બનાવટની ટાવર એસોલ્ટ રાઇફલ્સનો ઉપયોગ કરે છે પરંતુ પછીના વર્ષોમાં તેઓ M4 કાર્બાઇન અને M16 રાઇફલ્સનો પણ ઉપયોગ કરે છે. કારાકલ બટાલિયનની મહિલા સૈનિકોએ અત્યાર સુધીમાં લગભગ 100 હમાસ લડવૈયાઓને માર્યા છે. આ મહિલા સૈનિકોને ગાઝા યુદ્ધની હીરો તરીકે જોવામાં આવી રહી છે.

બેન્જામિન નેતન્યાહુએ ગાઝાને લઈને મોટું નિવેદન આપ્યું

ઇઝરાયેલી સૈન્ય IDF કહે છે કે તેની 7મી આર્મર્ડ બ્રિગેડે ઉત્તરી ગાઝામાં હમાસની ચોકી અને તાલીમ શિબિર પર હુમલો કર્યો હતો. આ દરમિયાન હમાસના ડઝનબંધ હથિયારો જપ્ત કરવામાં આવ્યા હતા અને 30 લડવૈયાઓ માર્યા ગયા હતા. આઈડીએફનું કહેવું છે કે તેઓએ એસોલ્ટ રાઈફલ્સ, મિસાઈલ, મોર્ટાર, ડ્રોન, સંચાર સાધનો અને અન્ય તકનીકી સાધનો જપ્ત કર્યા છે. ઈઝરાયેલ અને હમાસ વચ્ચેના યુદ્ધ વચ્ચે બેન્જામિન નેતન્યાહુએ ગાઝાને લઈને મોટું નિવેદન આપ્યું છે.

ગાઝા પર ફરીથી કબજો કરવા માંગતા નથી

બેન્જામિનએ કહ્યું કે અમે ગાઝા પર ફરીથી કબજો કરવા માંગતા નથી. તેના બદલે, અમે મધ્ય પૂર્વને વધુ સારું ભવિષ્ય આપવા માંગીએ છીએ. ઇઝરાયલના પીએમએ ફોક્સ ન્યૂઝને આપેલા ઇન્ટરવ્યુમાં કહ્યું કે અમે ગાઝા પર કબજો ઇચ્છતા નથી. અમે ગાઝા પર શાસન પણ નથી ઈચ્છતા. તેના બદલે, અમે ગાઝાને વધુ સારું ભવિષ્ય આપવા માંગીએ છીએ. અમારી સેના ગાઝામાં શાનદાર કામગીરી કરી રહી છે. જો કે, નેતન્યાહુએ કહ્યું કે ગાઝાની અંદર એક વિશ્વસનીય બળ હોવું જરૂરી છે કારણ કે હત્યારાઓને મારી નાખવાની જરૂર છે.

યુદ્ધમાં માર્યા ગયેલા પેલેસ્ટિનિયન નાગરિકોની સંખ્યા 10 હજારને પાર

7 ઓક્ટોબરથી યુદ્ધ ચાલુ છે 7 ઓક્ટોબરે હમાસે ગાઝા પટ્ટીમાંથી 5 હજારથી વધુ રોકેટ ફાયર કરીને ઈઝરાયેલ પર હુમલો કર્યો હતો. આ પછી તરત જ ઇઝરાયેલના વડા પ્રધાન બેન્જામિન નેતન્યાહૂએ હમાસ સામે યુદ્ધની જાહેરાત કરી હતી. આ બે સપ્તાહના યુદ્ધમાં ગાઝા પટ્ટી સંપૂર્ણપણે નાશ પામી છે. ઈઝરાયેલ અને હમાસ વચ્ચેના યુદ્ધમાં માર્યા ગયેલા પેલેસ્ટિનિયન નાગરિકોની સંખ્યા 10 હજારને પાર થઈ ગઈ છે.

હમાસના લડવૈયાઓએ 200થી વધુ નાગરિકોને બંધક બનાવ્યા

અત્યાર સુધીમાં, ગાઝાના 2.3 મિલિયન નાગરિકોમાંથી અડધા લોકોએ તેમના ઘર છોડી દીધા છે. હમાસના લડવૈયાઓએ 200થી વધુ નાગરિકોને બંધક બનાવ્યા છે. હમાસનો દાવો છે કે ઈઝરાયેલના બોમ્બ ધડાકામાં 50થી વધુ બંધકોના મોત થયા છે.

આ પણ વાંચો – US ના રાષ્ટ્રપતિ જો બાઇડનની પૌત્રી નાઓમીની સુરક્ષામાં થઈ મોટી ચૂક, કરવો પડ્યો ગોળીબાર

ગુજરાત ફર્સ્ટ તમને સમાચારોથી હંમેશા અવગત રાખશે