ભારતમાં ફરી એકવાર કોરોના વાયરસના નવા કેસ સામે આવ્યા છે. કેન્દ્રીય સ્વાસ્થ્ય મંત્રાલય દ્વારા જાહેર કરવામાં આવેલા આંકડા અનુસાર, કેરળમાં છેલ્લા 24 કલાકમાં કોવિડ-19ના 292 નવા કેસ નોંધાયા છે, જેમાં ત્રણના મોત થયા છે.
કોરોનાવાયરસ ચેપ ફરીથી વધવા લાગ્યો
આજે સવારે દેશભરમાં કોરોનાવાયરસના કુલ 341 નવા કેસ નોંધાયા છે, જેમાંથી 292 કેસ કેરળના છે. આ સાથે કેરળમાં સક્રિય કેસની સંખ્યા વધીને 2041 થઈ ગઈ છે. ત્રણ મૃત્યુ સાથે, કેરળમાં કોરોનાવાયરસને કારણે મૃત્યુઆંક હવે વધીને 72,056 થઈ ગયો છે.
As per the Ministry of Health and Family Welfare, Kerala reported 292 new active cases of COVID-19 and 3 deaths yesterday. The total number of active cases in the state is 2041. pic.twitter.com/uwoG6Fx0Fj
— ANI (@ANI) December 20, 2023
છેલ્લા 24 કલાકમાં, 224 દર્દીઓ કાં તો સ્વસ્થ થયા છે અથવા તેમને હોસ્પિટલમાંથી રજા આપવામાં આવી છે. અત્યાર સુધીમાં કોવિડના કેસ વધીને 68,37,203 થઈ ગયા છે. મંગળવારે, રાજ્યના આરોગ્ય પ્રધાન વીણા જ્યોર્જે કહ્યું કે કેરળમાં કોવિડ -19 ના વધતા જતા કેસો વચ્ચે ચિંતા કરવાની કોઈ જરૂર નથી, કારણ કે રાજ્ય આ ચેપ સામે લડવા માટે સંપૂર્ણ રીતે તૈયાર છે.
તેમણે કહ્યું કે કોવિડ-19 દર્દીઓ માટે વિશેષ સુવિધાઓ પૂરી પાડવા અને હોસ્પિટલોમાં આઈસોલેશન વોર્ડ, ઓક્સિજન બેડ, આઈસીયુ બેડ અને વેન્ટિલેટરની ઉપલબ્ધતા સુનિશ્ચિત કરવા સૂચનાઓ જારી કરવામાં આવી છે.
આ પણ વાંચો : CPP : સાંસદોના સસ્પેન્શન પર સોનિયા ગાંધીએ કેન્દ્ર પર કર્યા પ્રહારો, કહ્યું- આ ઈતિહાસ બદલવાનું ષડયંત્ર છે…