Vipul Pandya
300
વોટ્સએપ તેના યુઝર્સની સુવિધા માટે પ્લેટફોર્મ પર દરરોજ નવા ફીચર્સ એડ કરી રહ્યું છે. વોટ્સએપના નવા અપડેટ સાથે એપનો લૂક બદલાઈ જશે. વોટ્સએપના નવા ફીચર્સ પર નજર રાખતી વેબસાઈટ WABetainfoએ તેના રિપોર્ટમાં જણાવ્યું છે કે WhatsApp ખાસ કરીને એન્ડ્રોઈડ યુઝર્સ માટે ડાર્ક ટોપ એપ બાર પર કામ કરી રહ્યું છે. કંપનીનું કહેવું છે કે આનાથી યુઝર અનુભવને વધુ બહેતર બનાવવામાં મદદ મળશે અને એપની ઉપયોગિતામાં સુધારો થશે. ડાર્કર ટોપ એપ બાર હાલના ડાર્ક મોડમાં અપગ્રેડ હશે, જે મેસેજિંગ પ્લેટફોર્મ પર નેવિગેટ કરતી વખતે વપરાશકર્તાઓને સરળ દ્રશ્ય અનુભવ પ્રદાન કરશે. કંપની હાલમાં આ ફીચર પર કામ કરી રહી છે. આશા છે કે તે ભવિષ્યના અપડેટ્સમાં બીટા ટેસ્ટર્સ માટે રોલઆઉટ કરવામાં આવશે
WhatsAppની ડાર્ક ટોપ એપ બાર ફીચર
ગ્રેસ્કેલ અને બ્લેક ટોન પર આધારિત ડાર્ક થીમ રજૂ કરીને, WhatsAppનો હેતુ માત્ર એક સુંદર યુઝર ઈન્ટરફેસ જ નહીં પરંતુ બહેતર પરફોર્મન્સ આપવાનો છે. અહેવાલ મુજબ, તેમના અદ્યતન મોબાઇલ ઉપકરણો પર AMOLED સ્ક્રીન ધરાવતા વપરાશકર્તાઓને ખાસ કરીને આ અપડેટનો સૌથી વધુ લાભ મળશે.
iOS વપરાશકર્તાઓ માટે હાલ નહીં
રિપોર્ટ અનુસાર, આ નવું ફીચર ગૂગલ પ્લે સ્ટોર પર ઉપલબ્ધ એન્ડ્રોઇડ 2.23.13.17 અપડેટમાં સામે આવ્યું છે. રિપોર્ટમાં એક સ્ક્રીનશોટ પણ શેર કરવામાં આવ્યો છે જે મુખ્ય તફાવત દર્શાવે છે, જેમાં યુઝર્સ નવા અને જૂના વર્ઝન વચ્ચેનો તફાવત જોઈ શકે છે. જો કે આ અપડેટ પહેલા એન્ડ્રોઇડ યુઝર્સ માટે રોલઆઉટ થવાની ધારણા છે. હાલમાં, તે iOS વપરાશકર્તાઓ માટે ક્યારે રોલઆઉટ કરવામાં આવશે તે વિશે કોઈ માહિતી જાહેર કરવામાં આવી નથી.
વોટ્સએપની આગામી સુવિધાઓ
વોટ્સએપ હાલમાં આ એકમાત્ર ફીચર નથી જેના પર કામ કરી રહ્યું છે. તાજેતરમાં ‘સાઇલન્સ અનનોન કોલર્સ’ અને ‘એડિટ’ મેસેજ ફીચર રજૂ કર્યા પછી, WhatsApp હવે એક નવું ફીચર વિકસાવી રહ્યું છે જે યુઝર્સને પિન કરેલા મેસેજની અવધિ સેટ કરવાની મંજૂરી આપશે. આ ફીચરની મદદથી યુઝર્સ ચેટ કે ગ્રુપમાં મેસેજ પિન રાખવા માંગતા હોય તે સમયગાળો પસંદ કરી શકશે.
