Vipul Pandya 
T20 વર્લ્ડ કપ 2022માં ભાગ લેનારી તમામ ટીમો નક્કી કરવામાં આવી છે. ઓસ્ટ્રેલિયાની ધરતી
પર યોજાનારી આ ટૂર્નામેન્ટ માટે 14 ટીમો પહેલેથી જ પોતાનું સ્થાન બનાવી
ચૂકી છે. હવે નેધરલેન્ડ અને ઝિમ્બાબ્વેએ પણ ક્વોલિફાયર ટૂર્નામેન્ટની ફાઇનલમાં
પહોંચીને T20 વર્લ્ડ કપ 2022માં પોતાનું સ્થાન નિશ્ચિત કરી લીધું છે.
યુએસ-પાપુઆ ન્યુ ગિનીએ આશા ગુમાવી
ઝિમ્બાબ્વેમાં રમાઈ રહેલી આ ક્વોલિફાયર
ટુર્નામેન્ટની પ્રથમ સેમીફાઈનલમાં યજમાન ટીમે પાપુઆ ન્યુ ગીનીને 27 રને હરાવ્યું હતું. પ્રથમ બેટિંગ કરતા ઝિમ્બાબ્વેએ 20 ઓવરમાં પાંચ વિકેટે 199 રન બનાવ્યા હતા. જવાબમાં પાપુઆ ન્યુ
ગીનીની ટીમ 8 વિકેટે 172 રન જ બનાવી શકી હતી.બીજી સેમીફાઈનલમાં નેધરલેન્ડે યુનાઈટેડ
સ્ટેટ્સ ઓફ અમેરિકા (યુએસએ) ને સાત વિકેટે હરાવ્યું હતું. પ્રથમ બેટિંગ કરતા
અમેરિકન ટીમ 138 રનમાં ઓલઆઉટ થઈ ગઈ હતી. જવાબમાં
નેધરલેન્ડે એક ઓવર બાકી રહેતા લક્ષ્ય હાંસલ કરી લીધો હતો.
T20 વર્લ્ડ કપની તમામ 16 ટીમો
સુપર-12: ઓસ્ટ્રેલિયા, ભારત, ઈંગ્લેન્ડ, પાકિસ્તાન, દક્ષિણ આફ્રિકા, બાંગ્લાદેશ, અફઘાનિસ્તાન અને ન્યુઝીલેન્ડ.
રાઉન્ડ-1: વેસ્ટ ઈન્ડિઝ, શ્રીલંકા, સ્કોટલેન્ડ, નામિબિયા, આયર્લેન્ડ, સંયુક્ત આરબ અમીરાત, ઝિમ્બાબ્વે, નેધરલેન્ડ.
ઝિમ્બાબ્વે-નેધરલેન્ડ્સ લીગ સ્ટેજમાં
ટોચ પર છે
લીગ તબક્કામાં, ઝિમ્બાબ્વેની ટીમે તેની તમામ ત્રણ મેચ જીતી લીધી હતી અને ગ્રુપ Aમાં પ્રથમ સ્થાન મેળવ્યું હતું. ઝિમ્બાબ્વેએ અમેરિકાને 46 રને, સિંગાપોરને 111 રને અને જર્સીને 23 રને હરાવ્યું હતું. આ સાથે જ અમેરિકાની ટીમ બે જીત સાથે નંબર-2 પર રહીને સેમિફાઇનલમાં પહોંચી હતી.
જ્યારે ગ્રુપ બીમાં નેધરલેન્ડે ત્રણેય
મેચ જીતીને સેમિફાઈનલમાં જગ્યા બનાવી લીધી હતી. નેધરલેન્ડે પાપુઆ ન્યુ ગિનીને 52 રને, હોંગકોંગને 7 વિકેટે અને યુગાન્ડાને 97 રનથી હરાવ્યું હતું. આ સિવાય પાપુઆ ન્યૂઝ ગિનીએ પણ સારા રન-રેટના
કારણે આ ગ્રુપમાંથી સેમિફાઇનલ માટે ક્વોલિફાય કર્યું હતું.
ટૂર્નામેન્ટ 16 ઓક્ટોબરથી શરૂ થઈ રહી છે
ટી-20 વર્લ્ડ કપ 2022માં સુપર-12 તબક્કામાંથી પ્રથમ રાઉન્ડ-1 મેચ યોજાશે. રાઉન્ડ 1માં કુલ આઠ ખેલાડીઓ ભાગ લઈ રહ્યા છે. આ
આઠ ટીમોને બે ગ્રુપમાં વહેંચવામાં આવશે. બંને ગ્રુપમાંથી ટોપ-2 ટીમ સુપર-12 સ્ટેજ માટે ક્વોલિફાય થશે. T20 વર્લ્ડ કપ 2022 16 ઓક્ટોબરથી 13 નવેમ્બર દરમિયાન યોજાશે. ભારત તેની પ્રથમ મેચ 23 ઓક્ટોબરે પાકિસ્તાન સામે રમશે.
