Home » એ.આર રહેમાનની માતા મને પોતાનો નાનો પુત્ર માને છે – સિંગર કૈલાશ ખેર
એ.આર રહેમાનની માતા મને પોતાનો નાનો પુત્ર માને છે – સિંગર કૈલાશ ખેર
Vipul Pandya
i have 22 years experince in journalism field in diffrent media instituie like etv gujarati, tv9, sandesh news and gujarat samachar and divy bhaskar news paper. crime and political news is my favoaurit subject
87
આજે પ્રખ્યાત સંગીતકાર અને પોતાની ગાયકીથી દરેકના દિલ જીતનાર કૈલાશ ખેરનો જન્મદિવસ છે. આજે લગભગ કોઇ વ્યક્તિ એવી નથી કે જેણે કૈલાશ ખેરના ગીતો સાંભળ્યાં ન હોય, તેમના ઘણા ગીતોએ ખૂબ જ ધૂમ મચાવી છે. તેમનો જન્મ 7મી જુલાઈ 1973ના રોજ ઉત્તર પ્રદેશના મેરઠ શહેરમાં થયો હતો. તેમનો સંગીત વારસામાં મળ્યું છે. તેમના પિતા મેહરસિંહ ખેર ગામમાં પૂજા કરાવતા અને મંદિરોમાં ભજન ગાતા. તેમણે થોડા સમય પહેલા તેમની સફળ સિંગર તરીકેની પોતાની જર્ની વિશે મિડિયા સાથે વાતચીત કરી હતી. તેમની સંગીત સફરની રસપ્રદ કહાની
બાળપણમાં પિતાજી પાસેથી સંગીત શીખ્યો
બ્રાહ્મણ પરિવારમાં જન્મેલ કૈલાશ ખેરે જણાવ્યું કે બાળપણથી યજ્ઞ, હવન અને પૂજા પાઠ જોતો આવ્યો છું. પિતાજી મંદિરોમાં ભજન કીર્તન કરતાં હતાં. મેં બાળપણમાં તેમની પાસેથી સંગીત શીખ્યું હતું. એ દિવસોમાં ફિલ્મી ગીત કેવું હતું એનો મને ખ્યાલ નહોતો કારણ કે મેં ક્યારેય ફિલ્મી ગીત સાંભળ્યું ન હતું. બાળપણમાં ગુરુકુળમાં રહ્યા. શરૂઆતથી જ હું આધ્યાત્મિક વાતાવરણમાં મોટો થયો છું. પત્રવ્યવહાર દ્વારા અભ્યાસ કર્યો. હું માનું છું કે સંગીતએ એવી વસ્તુ છે જે તમને કોઈ સંસ્થા શીખવી શકે નહીં. સંગીત તમારી અંદરથી જ જન્મે છે, તમારે ફક્ત તે ઓળખવાની જરૂર છે કે તેનું પાલન કેવી રીતે કરવું.
સંતોના આશીર્વાદ
એક પારિવારિક મિત્ર મનજીત સિંહ દિલ્હીમાં રહેતો હતો. તેમનો ઇમ્પોર્ટ એક્સપોર્ટનો વ્યવસાય હતો. તેની સાથે પોતાનો બિઝનેસ શરૂ કર્યો, જેના કારણે ઘણું નુકસાન થયું. એ દિવસોમાં હું પણ ડિપ્રેશનમાં ગયો હતો. જીવનથી કંટાળીને આપઘાત કરવા માંગતો હતો. આ બધામાંથી કોઈક રીતે બહાર નીકળીને તે પૈસા કમાવવા માટે સિંગાપોર અને થાઈલેન્ડ ગયો.જો કે ત્યાં મન ન લાગ્યું તો તે છ મહિનામાં પણ પાછો ફર્યો. આ વખતે સીધો ઋષિકેશ ગયો. અહીં ઋષિઓ સાથે બેસવા ઉઠવાનું થયું. ઘણું ગાવાનું ચાલુ હતું. પણ મારું ગીત સાંભળીને સૌથી મોટા સંત ખૂબ જ પ્રભાવિત થયાં. બધાએ આશીર્વાદ આપ્યા કે એક દિવસ મારું સંગીત જરુર નિખરશે. જો કોઈ તમારા કામના વખાણ કરે તો આનાથી વધુ સારું પ્રોત્સાહન દુનિયામાં કોઈ નથી. આ ઉત્સાહથી જ હું મુંબઈ આવ્યો.
મુંબઈને પહેલો આંચકો
આ બરાબર 20 વર્ષ પહેલાંની વાત છે. ઋષિકેશથી હું વિલે પાર્લે સ્થિત સંન્યાસ આશ્રમનું સરનામું લઈને નીકળ્યો હતો. ઋષિકેશના એક મહામંડલેશ્વર સ્વામીએ ત આપ્યું હતું, તેથી મને પૂરો વિશ્વાસ હતો કે જો મને મુંબઈમાં પગ મૂકવાની જગ્યા મળી જશે, તો બધું કરી લઇશ. અહીં આવીને અને મહામંડલેશ્વર સ્વામી વિશ્વેશ્વર આનંદને મળ્યો, તેઓ મને મારા સપનાને વાસ્તવિકતાની જમીન પર લાવ્યા. અહીં રહેવાની કોઈ વ્યવસ્થા કરવામાં આવશે નહીં. હવે મુંબઈમાં રહેવા માટે જગ્યા શોધવી એ કોઈ યુદ્ધથી ઓછું ન હતું,. અને તે પણ જ્યારે તમારા ખિસ્સામાં વધારે પૈસા ન હોય. રોજના 50 રૂપિયામાં સસ્તા લોજમાં રહેવા લાગ્યો. સંઘર્ષના દિવસોમાં તમે 50 રૂપિયાનો અર્થ શું છે તે સમજી શકો છો, તે પણ 20 વર્ષ પહેલાં આ ખૂબ જ કપરી વાત હતી.
રામની કૃપાથી પહેલો બ્રેક મળ્યો
મુંબઈ માયાનગરી છે. એ પણ કારણ કે અહીં મહેનત કર્યા વિના કોઈને કંઈ મળતું નથી અને જો તમે મહેનત નહીં છોડો તો સફળતા ચોક્કસ મળશે. મેં પણ અહીં રાત-દિવસ મહેનત કરી છે. ઘણાં સાઉન્ડ સ્ટુડિયોની મુલાકાત લીધી. પણ તમને વિશ્વાસ નહિ થાય એ એ દિવસોની વાત છે જ્યારે કોઈ સંગીતકાર મને મળવા તૈયાર ન હતો.
એડ જીંગ્સથી કરી હતી શરુઆત
પરંતુ મારા પર રામ કૃપા થઇ અને હું સંગીતકાર રામ સંપથને મળ્યો. તેમણે મને એડ સોંગ ગાવા માટે અહીં મારો પહેલો બ્રેક આપ્યો હતો. પહેલી કમાણી પાંચ હજાર રૂપિયા હતી. તે મારા માટે મોટી રકમ હતી. પહેલીવાર ચહેરા પરની ચિંતાની રેખાઓ થોડી ઓછી થઈ. માતા-પિતાના આશીર્વાદ હવે ફળવા લાગ્યા. ત્યાર પછી એડ જિંગલ્સની લાઇન લાગી.
‘અલ્લાહ કે બંદે’ થી પહેલો મોટો બ્રેક મળ્યો
મુંબઈમાં ધીમે ધીમે લોકો મારો અવાજ ઓળખવા લાગ્યા. વાત વર્ષ 2003ની છે. મ્યુઝિક કમ્પોઝર વિશાલ શેખર ફિલ્મ ‘વૈસા ભી હોતા હૈ’ માટે સંગીત આપી રહ્યા હતા. વિશાલનો ફોન આવ્યો ત્યારે સૌથી પહેલા મને સમજાયું કે વિશાલ ભારદ્વાજે ફોન કર્યો છે. પછી અમે મળ્યા વિશાલ શેખરે મને ‘અલ્લાહ કે બંદે’ ગીત ગવડાવ્યું. ફિલ્મ ચાલી ન હતી પરંતુ આ ગીતે મારું ઘર-ઘરનું નામ બનાવ્યું હતું.
એ.આર. રહેમાને મારા અવાજનો સારો ઉપયોગ કર્યો
આ પછી ‘સ્વદેશ’નું ‘યુન હી ચલા ચલ હો’ ગીત કે ‘મંગલ પાંડે’નું ‘મંગલ મંગલ હો’ આ બધાએ મારી કરિયર બનાવવમાં મદદ કરી અને જર્ની આગળ વધી. આ બંને ફિલ્મોમાં સંગીતકાર એ.આર. રહેમાને મારા અવાજનો સારો ઉપયોગ કર્યો. રહેમાન સાહેબની માતા કરીમા બેગમ મને તેમનો નાનો પુત્ર માનતી હતી. હું જ્યારે પણ તેમના ઘરે જતો ત્યારે તે પોતાના હાથે ભોજન બનાવતી હતી.
પ્રથમ સોલો આલ્બમ કૈલાસ
થોડું પાછળ જઈએ તો મારા સંઘર્ષના દિવસોની કેટલીક વાતો શેર કરવી હોય તો મારું પહેલું આલ્બમ સોની મ્યુઝિક કંપની દ્વારા 2006માં કૈલાસમાં બહાર પાડવામાં આવ્યું હતું. મેં મારા સંઘર્ષના દિવસોમાં ઘણા મ્યુઝિક આલ્બમ બનાવ્યા પરંતુ તે સમયે કોઈ મ્યુઝિક કંપની મારું આલ્બમ બહાર પાડવા માંગતી ન હતી. અને ગીતો હિટ થતાં જ આ કંપનીઓ મને બોલાવીને ગીતો આપવા લાગી. મેં ગીતના વિડિયોમાં અભિનય પણ કર્યો અને હું માનું છું કે કોઈપણ મ્યુઝિક વિડિયોમાં મેલોડી અને વિઝ્યુઅલ વચ્ચે સુમેળ ખૂબ જ મહત્વપૂર્ણ છે.
Vipul Pandya
i have 22 years experince in journalism field in diffrent media instituie like etv gujarati, tv9, sandesh news and gujarat samachar and divy bhaskar news paper. crime and political news is my favoaurit subject