Vipul Pandya
41
ડેડિયાપાડામાં ધો.11માં અભ્યાસ કરતી વિદ્યાર્થિની પર સામૂહિક દૂષ્કર્મ કરનાર 6 સગીર આરોપીને પોલીસે ઝડપી પાડ્યા છે. બનાવની વિગત અનુસાર, ડેડિયાપાડામાં ધો.11માં અભ્યાસ કરતી વિદ્યાર્થિની સ્કૂલે જવાને બદલે ડેડિયાપાડા એસટી ડેપો ગઈ હતી અને તેનો પીછો આરોપી સગીરોએ કર્યો હતો. આરોપી સગીરોએ આ સગીરાને PWDનાં જૂના ક્વાર્ટરમાં લઈ ગયા હતા અને સગીરા પર દૂષ્કર્મ આચર્યું હતું અને દૂષ્કર્મ આચર્યા બાદ ફરાર થઈ ગયા હતા.
ઘટના બાદ સગીરા પોતાના ઘરે જવાને બદલે માસીના ઘરે ગઈ હતી. દીકરી ઘરે ન આવતા સગીરાના માતા-પિતાએ તેની શોધખોળ શરૂ કરી હતી. જે બાદ સગીરાનો પત્તો મળતા તેના માતા-પિતાએ તેની પૂછપરછ કરી હતી..અને સગીરાએ દૂષ્કર્મની વાતા માતા-પિતાને જણાવી હતી. દીકરી પર દૂષ્કર્મની જાણ થતા સગીરાના માતા-પિતાએ ડેડિયાપાડા પોલીસમાં ફરિયાદ નોંધાવી હતી. ફરિયાદના આધારે પોલીસે આરોપીઓની શોધખોળ શરૂ કરી હતી અને મહિલા પોલીસ દ્વારા સગીરાનું કાઉન્સિલિંગ શરૂ કરવામાં આવ્યુ હતુ. પોલીસે અંગત બાતમીના આધારે તમામ 6 સગીરોને ઝડપી પાડ્યા હતા.
