શ્રીલંકાને હરાવી ટીમ ઈન્ડિયાએ બનાવ્યો વર્લ્ડ રેકોર્ડ, અફઘાનિસ્તાન ટીમની કરી બરાબરી

રોહિત શર્માની કપ્તાનીવાળી ટીમ ઈન્ડિયાએ પોતાનો સૌથી મોટો રેકોર્ડ બનાવ્યો છે. ભારતીય ટીમે શ્રીલંકા સામેની ત્રણ મેચની T20I શ્રેણીમાં 3-0થી ક્લીન સ્વીપ કરીને વર્લ્ડ રેકોર્ડની બરાબરી કરી હતી. ભારત હવે સૌથી વધુ સતત T20I મેચ જીતનારી સંયુક્ત પ્રથમ ટીમ બની ગઈ છે અને આ મામલે તેણે અફઘાનિસ્તાનની બરાબરી કરી છે. ભારતે રવિવારે ધર્મશાલામાં રમાયેલી ત્રીજી અને અંતિમ T20 મેચમાં શ્રીલંકાને છ વિકેટે હરાવીને સતત 12મી T20I મેચ જીતી લીધી છે. ભારત અને અફઘાનિસ્તાન હવે T20 આંતરરાષ્ટ્રીય ક્રિકેટમાં સતત 12 મેચ જીતીને સંયુક્ત રીતે ટોચ પર છે.

T20 વર્લ્ડ કપ 2021માં રનર્સ-અપ ન્યૂઝીલેન્ડના હાથે પરાજય બાદ ભારત એકપણ મેચ હારી નથી. રોહિતની કપ્તાની હેઠળ, ટીમે ત્રણ મેચની T20I શ્રેણીમાં ન્યૂઝીલેન્ડ સામે 3-0થી, વેસ્ટ ઈન્ડિઝ સામે 3-0થી અને હવે શ્રીલંકા સામે 3-0થી ક્લીન સ્વીપ હાંસલ કર્યું હતું. આ પહેલા ભારતે મહેન્દ્ર સિંહ ધોનીની કપ્તાનીમાં સતત 7 T20 મેચ જીતી હતી.

અફઘાનિસ્તાન સામે 66 રને

સ્કોટલેન્ડ સામે વિકેટે

નામિબિયા સામે 9 વિકેટે

ન્યૂઝીલેન્ડ સામે 5 વિકેટે

ન્યૂઝીલેન્ડ સામે 7 વિકેટે

ન્યૂઝીલેન્ડ સામે 73 રન

વેસ્ટ ઈન્ડિઝ સામે 6 વિકેટે

વેસ્ટ ઈન્ડિઝ સામે 8 રને

વેસ્ટ ઈન્ડિઝ સામે 17 રને

શ્રીલંકા સામે 62 રને

શ્રીલંકા સામે 7 વિકેટે

શ્રીલંકા સામે 6 વિકેટે

વિરાટ કોહલીની કપ્તાની હેઠળ T20 વર્લ્ડ કપમાં અફઘાનિસ્તાન સામે 66 રનની જીત સાથે ભારતની સતત મેચ જીતવાનો સિલસિલો શરૂ થયો હતો. તે પછી રોહિત શર્માએ ન્યૂઝીલેન્ડ અને વેસ્ટ ઈન્ડિઝ સામે ક્લીન સ્વીપ કરીને તેને વધુ આગળ લઈ લીધું. રોહિતે હવે શ્રીલંકા સામે પણ ક્લીન સ્વીપ કરીને ઈતિહાસ રચી દીધો છે.