અહેવાલ – દિનેશ મકવાણા ભરૂચ
સોશિયલ મીડિયાના જમાનામાં જાહેર માર્ગો પર જોખમી સ્ટંટ કરવા અન્ય લોકોના જીવનું જોખમ ઊભું થઈ શકતું હોય છે.આવો જ એક વિડીયોની રીલ્સ ભરૂચ નર્મદા મૈયા બ્રીજ ઉપર બાઇક ચાલક યુવકે સ્ટંટ કરતો વિડીયોની રીલ્સ બનાવી વાયરલ કરતા પોલીસે સોશિયલ મીડિયાની મદદથી નંબર પ્લેટ વગરની બાઇક અને ચહેરા પર હતું. હેલ્મેટ છતાં ચાલકને ગણતરીના કલાકોમાં ઝડપી જેલના સળિયા પાછળ ધકેલી દીધો છે.
જોખમી વિડીયો બનાવનારાની પોલીસે કરી અટકાયત
ભરૂચ જિલ્લામાં સોશિયલ મીડિયાના જમાનામાં ઘણા યુવક યુવતીઓ મોબાઇલમાં રીલ્સ બનાવવામાં ભાન ભૂલતા હોય છે.આવા અનેક જોખમી વિડીયો બનાવનારાની પોલીસે અટકાયતો પણ કરી ચૂક્યા છે.તાજેતરમાં જ ભરૂચ અંકલેશ્વરને જોડતા નર્મદા મૈયા બ્રીજ ઉપર અન્ય વાહન ચાલકોનું જીવનું જોખમ ઊભું થાય તે પ્રમાણેનો વિડિયો મોંઘીદોટ બાઇક ઉપર હેલ્મેટ પહેરી યુવકે બનાવ્યો હતો.અને આ વિડીયો સોશિયલ મીડિયા ઉપર સતત વાઇરલ થયો હતો.પોતાના જીવનું જોખમ ઊભું કરીને અન્ય લોકોના જીવને પણ નુકસાન થાય તે પ્રમાણેનો સ્ટંટ કરતો વિડીયો બનાવી પોલીસને પડકાર ફેકતો હોવાના તેમજ ટ્રાફિકોના નિયમોના ધજાગરા ઉડતા હોવાના કારણે વાયરલ વીડિયોમાં ચાલકને ઝડપી પાડવા માટે ભરૂચ પોલીસ ઇન્સપેક્ટર એચ.બી.ગોહિલનાઓના સુપરવિઝન હેઠળ તાજેતરમાં સોશયલ મીડીયામાં નર્મદા મૈયા બ્રીજ ઉપર એક ઇસમ કે.ટી.એમ બાઇક લઇ પુર ઝડપે અને અન્ય લોકોના જીવનું જોખમ ઊભું થાય તે પ્રકારે વાહન હંકારી અને પોતે પોતાની તથા બીજાઓની જીંદગી જોખમમાં મુકાય તે રીતે સ્ટંટ કરી વીડીયો બનાવનારને ઝડપી પાડવા માટે ભારે કમર કસી હતી.
IPCની કલમ 308 હેઠળ ગુનો દાખલ કરી તેની ધરપકડ કરી
સી ડિવિઝન પોલીસ મથકના ડિ સ્ટાફ અને પોલીસ મથકના પીઆઇ હસમુખ ગોહિલે વાયરલ વીડિયોના એકાઉન્ટ તપાસવા સાથે તેની માહિતી મેળવી હતી.અને જોખમી સ્ટંટ કરનાર બાઈક ચાલક કે જેની નંબર પ્લેટ કે તેનો ચહેરો પણ દેખાતો ન હોય.તેની ઓળખ સોશિયલ મીડિયાથી થતા બાઈક ચાલકનું નામ અરશદ ઉસ્માન હાફેજી સુલેમાન પટેલ ઉ.વ.32 રહે.ચકલા સ્ટ્રીટ કરમાડ ગામ તા.જી.ભરૂચનો અને વાયરલ વીડિયોમાં સ્ટંટ કરતી બાઈક કે.ટી.એમ. ડ્યુક મોટર સાયકલ રજી નંબર- GJ-19-AK-2303ની હોવાનું ફલિત થતા બાઈક સાથે તેની ધરપકડ કરી.અને અન્ય લોકોના જીવનું જોખમ ઊભું થાય તે પ્રમાણેનું કૃત્ય કરવા બદલ આઈપીસીની કલમ 308 હેઠળ ગુનો દાખલ કરી.તેની ધરપકડ કરી,કોર્ટ સમક્ષ રજૂ કરતા અન્ય લોકોનું જીવનું જોખમ ઊભું કરતો વિડીયો બનાવનારને સબજેલમાં ધકેલી દેવાનો આદેશ કરતા હાલ તેઓ જેલ કસ્ટડીમાં હોવાની માહિતી મળી રહી છે.
સોશિયલ મીડિયાના જમાનામાં રિલ્સ બનાવતા ચેતજો
સોશિયલ મીડિયાના જમાનામાં રીલ્સ બનાવવાની લાહયમાં ઘણી વખત યુવક યુવતીઓ ભાન ભૂલતા હોય છે.અને કાયદાઓને પણ નેવે મૂકતા હોય છે.આવો જ એક કિસ્સો નર્મદા મૈયા બ્રિજ ઉપર યુવકને જોખમી સ્ટંટ કરતો વિડીયો બનાવો ભારે પડ્યો છે.પોલીસે ગુનો દાખલ કરતા તેને કોર્ટમાં રજૂ કરતા કોર્ટે પણ જેલમાં ધકેલી દેવાનો હુકમ કરતા રીલ્સ ઘેલા યુવકને હાલતો જેલની હવા ખાવાનો વારો આવ્યો છે.
નર્મદા મૈયા બ્રિજ ઉપર છેલ્લા 2 વર્ષમાં સંખ્યાબંધ અકસ્માતો
ભરૂચ અંકલેશ્વરને જોડતા નર્મદા મૈયા બ્રિજ ઉપર પૂર ઝડપે નીકળતા વાહન ચાલકો અકસ્માતનો ભોગ બનતા હતા.જેના કારણે જિલ્લા વહીવટી તંત્રએ નર્મદા મૈયા બ્રિજ ઉપર અકસ્માતો પણ અંકુશ મેળવવા માટે વાહનોની સ્પીડ 40 લિમિટ નક્કી કરવામાં આવી હતી.અને તેવામાં એ રિલ્સ ઘેલા યુવાનો જોખમી સ્ટંટ કરતા પોલીસે કડક હાથે કામગીરી કરી રહ્યા છે.જેના કારણે પોતાના જીવના જોખમ સાથે અન્ય લોકોના જીવનું જોખમ ઊભું કરવું જેલ થઈ શકે છે.જેથી નર્મદા મૈયા બ્રિજ ઉપર વાહનની સ્પીડ મર્યાદિત રાખવી જરૂરી છે.
ગુજરાત ફર્સ્ટ તમને સમાચારોથી હંમેશા અવગત રાખશે