Gondal : રસ્તે ચાલવાનાં મામલે સેઢા પાડોશી વચ્ચે બબાલ થતા ફાયરિંગ
- ગોંડલના શખ્સે બંદૂકમાંથી કરેલ ફાયરિંગનો મામલો
- વાડીના રસ્તા પર ચાલવા પ્રશ્ર્ને જૂના મનદુઃખમાં ફાયરિંગ
- ઈજાગ્રસ્તને વધુ સારવાર અર્થે રાજકોટ ખસેડવામાં આવ્યા
ગોંડલ તાલુકાનાં ખાંડાધાર ગામની સીમ માં વાડીમાં રસ્તાનાં મામલે સેઢા પાડોશીઓ વચ્ચે તકરાર થતા એક પક્ષ દ્વારા બંદુક માંથી ફાયરીંગ થયા હતા.જ્યારે સામા પક્ષે લાકડીનો ઘા માથામાં લાગતા ઇજાગ્રસ્ત હાલત માં સારવાર માટે રાજકોટ ખસેડાયા હતા.બનાવ અંગે તાલુકા પોલીસે ફરિયાદ લઇ તપાસ હાથ ધરી છે.
રસ્તે ચાલવાની ના પાડતા મામલો બિચક્યો
બનાવ અંગે ખાંડાધાર ની સીમ માં વાડી ધરાવતા વલ્લભભાઈ નાજાભાઇ મકવાણાએ તાલુકા પોલીસ માં કરેલ ફરિયાદ માં જણાવ્યુ કે ગત સાંજના બાજુમાં વાડી ધરાવતા અને ગોંડલ ભગવતપરા માં રહેતા દિપકભાઈ મોહનભાઈ ડાભી ના માણસો લાલજીભાઈ તખુભાઇ તથા કિશનભાઇ ટ્રેકટર લઇ ને વાડીએ આવી અમારે વાડી વચ્ચે જે વિવાદ ચાલે છે ત્યા ઉભા રહેતા અમે કહેલ કે રસ્તા અંગે વિવાદ ચાલતો હોય તમે અહીથી ચાલી ના શકો. તેથી બન્ને ટ્રેકટર લઇ જતા રહ્યા હતા.
ફાયરિંગ કરતા આજુબાજુથી લોકો દોડી આવ્યા હતા
બાદ મા દિપકભાઈ ડાભી બે નાળવાળી બંદુક સાથે વાડીએ આવી અમારી સાથે ઝઘડો કરી કહેલ કે તને ભડાકે દેવો છે. એમ બોલી બંદુકનું નાળચુ અમારા તરફ કરી એક રાઉન્ડ ફાયરીંગ કરતા ગોળી બાજુમાંથી જતી રહેલ બાદ માં હુ અને મારો પુત્ર સુભાષ દોડી ને બંદુક પકડી લીધેલ દરમિયાન વાડીએ દોડી આવેલા મારા પુત્ર સુરેશને દિપકભાઈ ડાભી સાથે ઝપાઝપી થયેલી જેમાં દિપકભાઈ ને માથાનાં ભાગે લાકડીનો ઘા લાગ્યો હતો.બંદુક નો અવાજ સાંભળી આજુબાજુનાં વાડીનાં લોકો દોડી આવી ઝઘડો નહી કરવાનુ કહી છુટા પાડેલ હતા.
આ પણ વાંચોઃ Ahmedabad : સાણંદમાં પ્રેમ સબંધમાં યુવકની હત્યા, શું છે ફિલ્મી ઢબે થયેલી હત્યાનું કારણ
ઈજાગ્રસ્તોને વધુ સારવાર અર્થે રાજકોટ ખસેડાયા
બનાવ નાં કારણ માં અમારે તથા દિપકભાઈ ડાભીને રસ્તા બાબતનો વિવાદ ઘણા સમયથી ચાલતો હોય તેનો કોઈ નિર્ણય આવ્યો ના હોય તેમ છતા દિપકભાઈ ડાભીનાં માણસો વિવાદ વાળા રસ્તે ચાલતા હોય ચાલવાની ના કહેતા દિપકભાઈ ડાભીને સારુ નહી લાગતા બંદુક માંથી મારી નાખવાનાં ઇરાદે ફાયરીંગ કર્યુ હતુ. પોલીસે કલમ 109 તથા આર્મ્સ એકટ મુજબ ગુન્હો નોંધી તપાસ હાથ ધરીછે.બીજી બાજુ દિપકભાઈ ડાભીને માથાનાં ભાગે ઇજા થતા ગોંડલ સારવાર આપી વધુ સારવાર માટે રાજકોટ ખસેડાયા હતા.
આ પણ વાંચોઃ Ahmedabad : પશ્ચિમ રેલવે મુંબઈ- રાજકોટ-ગાંધીધામ વચ્ચે ખાસ ભાડા પર સ્પેશ્યલ ટ્રેન તેજસ એક્સપ્રેસ દોડાવશે
અહેવાલઃ વિશ્વાસ ભોજાણી- ગોંડલ