Vishal Dave 
અહેવાલઃ વિશ્વાસ ભોજાણી, ગોંડલ
હાદસોકા શહેર મનાતા ગોંડલમાં દિન પ્રતિદિન નિત નવા હાદસા બનતા રહેતા હોય છે ત્યારે અત્રેના વોરા કોટડા રોડ પર આવેલા સબજેલે કેદીની મુલાકાતે આવેલ અજાણી મહિલાએ ઝેરી દવા ગટગટાવી લેતા દોડધામ મચી જવા પામી હતી જેલર, કોન્સ્ટેબલ અને જાપતામાં આવેલ પોલીસ કર્મચારીઓએ અજાણી મહિલાને તાકીદે ગોંડલ હોસ્પિટલમાં ખસેડી વધુ સારવાર માટે રાજકોટ હોસ્પિટલે ખસેડી હતી.
મહિલાની હાલત નાજુક જણાતા વધુ સારવાર માટે રાજકોટ ખસેડાઇ
પ્રાપ્ત વિગતો મુજબ વોરાકોટડા રોડ પર આવેલ સબ જેલના જેલર મશરૂભાઈ ગમારા એ જણાવ્યું હતું કે સવારે પોણા અગિયાર વાગ્યાના સુમારે કોઈ અજાણી મહિલા કેદી ને મળવા માટે આવી હતી ત્યાં ગેટ પર ફરજ પરના કોન્સ્ટેબલ મેહુલસિંહ વાળાએ આધાર કાર્ડ માંગતા અજાણી મહિલાએ આધાર કાર્ડ ઝેરોક્ષ કરાવીને લાવું છું તેવું કહી કંપાઉન્ડમાં પહોંચી હતી જ્યાં તેને સાથે લાવેલ ઝેરની બોટલ પી લેતા તે ઉલટી કરવા લાગતા પોલીસ કર્મચારીઓ દોડી ગયા હતા અને જેલની ગાડીમાં જ મહિલાને સરકારી હોસ્પિટલે ખસેડી હતી જ્યાં તેની હાલત વધુ નાજુક જણાતા વધુ સારવાર માટે રાજકોટ ખસેડવામાં આવી હતી
