Vipul Pandya
141
ન્યૂઝીલેન્ડ સામેની T20 માટે પૃથ્વી શો (Prithvi Shaw)ની પસંદગીરણજી ટ્રોફીમાં મુંબઈ માટે આસામ સામે 379 રનની ઈનિંગ રમનાર પૃથ્વી શૉ (Prithvi Shaw) જુલાઈ 2021 પછી ટીમ ઈન્ડિયામાં પરત ફર્યો છે. ન્યૂઝીલેન્ડ સામેની T20 સીરીઝ માટે તેની પસંદગી કરવામાં આવી છે. શૉએ સૈયદ મુશ્તાક અલી ટ્રોફીમાં પણ ધમાકેદાર પ્રદર્શન કર્યું હતું. રણજી ટ્રોફીમાં ત્રેવડી સદી ફટકાર્યા બાદ બીસીસીઆઈ (BCCI)ના સચિવ જય શાહે (Jay Shah)તેની પ્રશંસા કરી હતી.
ન્યૂઝીલેન્ડ સામેની ત્રણ ODI અને ત્રણ T20I તેમજ ઓસ્ટ્રેલિયા સામેની પ્રથમ બે ટેસ્ટ મેચ માટે ટીમ ઈન્ડિયા (Team India)ની જાહેરાત કરવામાં આવી છે. અનુભવી બેટ્સમેન કેએલ રાહુલ (KL Rahul) અને અક્ષર પટેલ (Akshar Patel) અંગત કારણોસર ન્યૂઝીલેન્ડ સામેની ODI અને T20I શ્રેણીમાં નહીં રમે. આ સાથે જ રવિન્દ્ર જાડેજાની ટેસ્ટ ટીમમાં વાપસી થઈ છે. જો કે જાડેજાની ફિટનેસ જોવાનું બાકી છે. તે પછી જ તે રમશે કે નહીં તેને લઈને મહોર લાગશે.ભારતીય ટીમ ન્યૂઝીલેન્ડ સામે 18, 21 અને 24 જાન્યુઆરીએ ત્રણ વનડે રમશે. ત્યારબાદ 27, 29 જાન્યુઆરી અને 1 ફેબ્રુઆરીએ ત્રણ T20 મેચ રમાશે. તે જ સમયે, ઓસ્ટ્રેલિયા સામેની શ્રેણી 9 ફેબ્રુઆરીથી શરૂ થશે. પ્રથમ ટેસ્ટ 9 થી 13 ફેબ્રુઆરી દરમિયાન નાગપુરમાં અને બીજી ટેસ્ટ 17 થી 21 ફેબ્રુઆરી દરમિયાન દિલ્હીમાં રમાશે. શ્રેણીની બાકીની બે ટેસ્ટ મેચ અનુક્રમે 1 માર્ચ અને 9 માર્ચથી ધર્મશાલા અને અમદાવાદમાં રમાશે.
રોહિત અને વિરાટ ફરી T20 ટીમમાં નથીસિનિયર ખેલાડી રોહિત શર્મા (Rohit Sharma) અને વિરાટ કોહલી (Virat Kohli)ને T20 ટીમમાં ફરીથી પસંદ કરવામાં આવ્યા નથી. ન્યૂઝીલેન્ડ સામે માત્ર હાર્દિક પંડ્યા (Hardik Pandya) જ સુકાની કરશે. શ્રીલંકા સામે ઈજાગ્રસ્ત થયેલા સંજુ સેમસન (Sanju Samson)ને પણ ટીમમાં રાખવામાં આવ્યો નથી. તેમના સ્થાને જીતેશ શર્મા (Jitesh Sharma)ને સિલેક્ટ કરવામાં આવ્યો હતો. શ્રીલંકા સામે ખરાબ પ્રદર્શન કરનાર હર્ષલ પટેલને ટીમમાંથી બહાર કરી દેવામાં આવ્યો છે.
ન્યૂઝીલેન્ડ સામેની T20I શ્રેણી માટે ટીમ:હાર્દિક પંડ્યા (કેપ્ટન), સૂર્યકુમાર યાદવ (વાઈસ-કેપ્ટન), ઈશાન કિશન (વિકેટકીપર), ઋતુરાજ ગાયકવાડ, શુભમન ગિલ, દીપક હુડ્ડા, રાહુલ ત્રિપાઠી, જીતેશ શર્મા (વિકેટકીપર), વોશિંગ્ટન સુંદર, કુલદીપ યાદવ, યુઝવેન્દ્ર સિંહ ચહલ, અર્શદીપ સિંહ. ઉમરાન મલિક, શિવમ માવી, પૃથ્વી શો, મુકેશ કુમાર.ભરત અને શાહબાઝ અહેમદની ODI ટીમમાં પસંદગીકેએલ રાહુલ અને અક્ષર પટેલની ગેરહાજરીમાં વિકેટકીપર કેએસ ભરથ અને ઓલરાઉન્ડર શાહબાઝ અહેમદની ન્યૂઝીલેન્ડ સામેની વનડે શ્રેણી માટે પસંદગી કરવામાં આવી છે. અર્શદીપ સિંહની જગ્યાએ શ્રીલંકા સામેની વનડેમાં ન રમનાર શાર્દુલ ઠાકુરની પસંદગી કરવામાં આવી છે.ન્યૂઝીલેન્ડ સામેની વનડે શ્રેણી માટેની ટીમઃરોહિત શર્મા (કેપ્ટન), શુભમન ગિલ, ઈશાન કિશન, વિરાટ કોહલી, શ્રેયસ ઐયર, સૂર્યકુમાર યાદવ, કેએસ ભરત (વિકેટકીપર), હાર્દિક પંડ્યા (વાઈસ-કેપ્ટન), વોશિંગ્ટન સુંદર, શાહબાઝ અહેમદ, શાર્દુલ ઠાકુર, યુઝવેન્દ્ર ચહલ, કુલદીપ યાદવ. મોહમ્મદ શમી, મોહમ્મદ સિરાજ, ઉમરાન મલિક.ઈશાન અને સૂર્યકુમારનો ટેસ્ટ ટીમમાં સમાવેશઈજાના કારણે બાંગ્લાદેશ સામેની ટેસ્ટ શ્રેણીમાં ન રમનાર કેપ્ટન રોહિત શર્માની વાપસી થઈ છે. કાર અકસ્માતમાં ઘાયલ થયેલા રિષભ પંતની ઓસ્ટ્રેલિયા સામેની પ્રથમ બે ટેસ્ટ માટે પસંદગી કરવામાં આવી નથી. તેની જગ્યાએ ઈશાન કિશન (Ishan Kishan)ને ટેસ્ટ ટીમમાં સામેલ કરવામાં આવ્યો છે. કેએસ ભરત (KS Bharat) તેની સાથે બીજા વિકેટકીપર તરીકે રહેશે. ઝારખંડ માટે ડોમેસ્ટિક ક્રિકેટ રમી રહેલા કિશને 2014માં આસામ સામે ફર્સ્ટ ક્લાસ ડેબ્યૂ કર્યું હતું. તેણે 48 મેચમાં 38.76ની એવરેજથી 2985 રન બનાવ્યા છે. નવેમ્બર 2016માં તેણે દિલ્હી સામે 273 રનની ઈનિંગ રમી હતી. આ તેની સર્વોચ્ચ ફર્સ્ટ ક્લાસ ઇનિંગ્સ છે.T20 ક્રિકેટમાં ધમાકો કરનાર સૂર્યકુમાર યાદવને પણ ટેસ્ટ ટીમમાં રાખવામાં આવ્યો છે. તેણે 2010માં દિલ્હી સામે મુંબઈ માટે ફર્સ્ટ ક્લાસ ડેબ્યૂ કર્યું હતું. સૂર્યાએ 44.79ની એવરેજથી 5549 રન બનાવ્યા છે. ઝડપી બોલર જસપ્રીત બુમરાહ સંપૂર્ણ રીતે ફિટ નથી અને ઓસ્ટ્રેલિયા સામેની પ્રથમ બે ટેસ્ટ માટે તેની પસંદગી કરવામાં આવી નથી. તેની ગેરહાજરીમાં મોહમ્મદ શમી, મોહમ્મદ સિરાજ, ઉમેશ યાદવ અને જયદેવ ઉનડકટ ફાસ્ટ બોલિંગ વિભાગની જવાબદારી સંભાળશે.ઓસ્ટ્રેલિયા સામેની પ્રથમ બે ટેસ્ટ મેચ માટે ભારતની ટીમ:રોહિત શર્મા (કેપ્ટન), કેએલ રાહુલ (વાઈસ-કેપ્ટન), શુભમન ગિલ, ચેતેશ્વર પૂજારા, વિરાટ કોહલી, શ્રેયસ અય્યર, કેએસ ભરત (વિકેટકિપર), ઈશાન કિશન (વિકેટમેન), રવિચંદ્રન અશ્વિન, અક્ષર પટેલ, કુલદીપ યાદવ, રવિન્દ્ર જાડેજા, મોહમ્મદ શમી, મો. સિરાજ, ઉમેશ યાદવ, જયદેવ ઉનડકટ, સૂર્યકુમાર યાદવ.
આ પણ વાંચો – મને પહેલા જ ખબર હતી કે ધોની ક્રિકેટમાંથી લેવાનો છે સન્યાસ, આ વાત મે મારી પત્નીને પણ નહોતી કરી…
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ
