કેન્દ્રીય ગૃહમંત્રી અમિત શાહનો આજે પ્રતાપનગર રોડથી જ્યુબિલીબાગ સુધી રોડ શો હતો. પ્રતાનગર રોડથી રોડ શો શરૂ થયો હતો. જોકે, રોડ શો પૂરો થાય તે પહેલા માંડવી ખાતે અધવચ્ચે રોડ શોમાંથી ઉતરી અમદાવાદ જવા રવાના થઈ ગયા હતા. જેથી વડોદરાના ભાજપના ઉમેદવારોએ અમિત શાહ વિના જ રોડ શો પૂરો કરવો પડ્યો હતો.
અમિત શાહ વડોદરામાં સાંજે 4 વાગે રોડ શો કરવાના હતા, પરંતુ, તેઓ અંદાજે ત્રણ કલાક જેટલા મોડા આવ્યા હતા. જેથી રોડ શો મોડો શરૂ થયો અને અધવચ્ચે જ અટકાવી અને અમદાવાદ રવાના થયા હતા.અને અમદાવાદના ચાંદખેડા માં જનસભા સંબોધી હતી.