રશિયા પર ઝેલેન્સકીનો હલ્લાબોલ, કહ્યું – લોકોને ટેન્કોથી કચડી નાખ્યા, બાળકોની સામે મહિલાઓ સાથે દુષ્કર્મ કરી રહ્યા છે રશિયન સૈનિકો

157

યુક્રેન પર રશિયાના આક્રમક હુમલા પછી યુક્રેનના
રાષ્ટ્રપતિ ઝેલેન્સકી વારંવાર રશિયા પર આકરા પ્રહાર કરે છે. ત્યારે ફરી એક વખત રશિયન
હુમલાના વિરોધમાં યુક્રેનના રાષ્ટ્રપતિ વોલોડીમિર ઝેલેન્સકીએ સંયુક્ત રાષ્ટ્ર
સુરક્ષા પરિષદને સંબોધિત કરતા રશિયા પર જોરદાર પ્રહારો કર્યા હતા. તેણે સંયુક્ત
રાષ્ટ્રને કહ્યું કે યુક્રેનના નાગરિકોને ટેન્ક દ્વારા કચડી નાખવામાં આવ્યા હતા, મહિલાઓ
પર બળાત્કાર કરવામાં આવ્યો હતો અને તેમના બાળકોની સામે તેમની હત્યા કરવામાં આવી
હતી. તેણે બુચાનો પણ ઉલ્લેખ કરતા કહ્યું કે રશિયન સેનાએ બુચામાં જે કર્યું તે
ક્રૂરતા હતું. આ સિવાય તેણે સુરક્ષા પરિષદ સમક્ષ પણ ઘણા ઝડપી પ્રશ્નો ઉઠાવ્યા છે.

UN needs to act immediately, its system must be reformed immediately…There must be a fair representation of all regions in the Security Council. Russian military must be brought to justice: Ukrainian President Volodymyr Zelensky pic.twitter.com/iOgy1CbIpZ

— ANI (@ANI) April 5, 2022 ” title=”” target=””>javascript:nicTemp();

સુરક્ષા
પરિષદમાંથી રશિયાને બહાર કરવાની હાકલ કરી

24 ફેબ્રુઆરીએ રશિયાએ યુક્રેન પર આક્રમણ
કર્યું ત્યારથી ઝેલેન્સકીએ પ્રથમ વખત સુરક્ષા પરિષદને સંબોધિત કરી હતી. તેણે
કહ્યું હતું કે રશિયન સેના અને તેને આદેશ આપનારાઓને ન્યાયના કઠેડામાં લાવવા જોઈએ.
ઝેલેન્સકીએ માંગ કરી હતી કે રશિયાને સુરક્ષા પરિષદમાંથી બહાર ફેંકી દેવાની જરૂર
છે. જો તમે માનતા હો કે આંતરરાષ્ટ્રીય કાયદાનો સમય હજી પૂરો થઈ રહ્યો છે, તો
તમારે તાત્કાલિક પગલાં લેવા જોઈએ.

Ukraine President Zelensky called for Russia’s expulsion from UN Security Council, demanding accountability for Russian crimes in the wake of #RussianUkraineWar: AFP pic.twitter.com/tKn2hMDmuD

— ANI (@ANI) April 5, 2022 ” title=”” target=””>javascript:nicTemp();

રશિયા
યુક્રેનને ‘શાંત ગુલામ‘ બનાવવા
માંગે છે

એટલું
જ નહીં યુએનએસસીની બેઠક દરમિયાન યુક્રેનના રાષ્ટ્રપતિ વોલોડીમિર ઝેલેન્સકીએ સવાલ
ઉઠાવ્યો હતો કે યુએનએસસીએ જે સુરક્ષા આપવી જોઈએ તે ક્યાં છે? યુક્રેનમાં
રશિયાની કાર્યવાહી બીજા વિશ્વયુદ્ધના અંત પછી સૌથી ખરાબ યુદ્ધ અપરાધોમાં પરિણમી
છે. ઝેલેન્સકીએ આરોપ લગાવ્યો કે રશિયા યુક્રેનને “મૌન ગુલામ” બનાવવા
માંગે છે અને કહ્યું કે રશિયાને તેની ક્રિયાઓ માટે જવાબદાર ઠેરવવું જોઈએ.

Civilians were crushed by tanks, women were raped & killed in front of their children. What Russian military did in Bucha is cruelty. The UN Charter has been violated literally. The massacre in Bucha is only one of many examples…: #Ukrainian President Volodymyr Zelensky at UNSC pic.twitter.com/teD2foqFau

— ANI (@ANI) April 5, 2022 ” title=”” target=””>javascript:nicTemp();

આતંકવાદીઓ
જેવા રશિયન સૈનિકોના કૃત્યો

ઝેલેન્સકીએ
એમ પણ કહ્યું કે રશિયન સૈનિકોની કાર્યવાહી આતંકવાદીઓ કરતા અલગ નથી. ઝેલેન્સકીએ
જણાવ્યું હતું કે રશિયન સૈનિકોએ વંશીય અને ધાર્મિક વિવિધતાને નષ્ટ કરવાની નીતિનું
પાલન કર્યું, પછી યુદ્ધને ઉશ્કેર્યું અને ઘણા
નાગરિકોની હત્યા કરી. તેમાંથી કેટલાકની શેરીઓમાં હત્યા કરવામાં આવી હતી, કેટલાકને
કૂવામાં ફેંકી દેવામાં આવ્યા હતા. લોકોની તેમના જ ઘરમાં હત્યા કરવામાં આવી હતી અને
ઘરો પર ગ્રેનેડ હુમલા કરવામાં આવ્યા હતા.

સંયુક્ત
રાષ્ટ્રના મહાસચિવે પણ વાત કરી હતી

આ
સિવાય યુએનના મહાસચિવ એન્ટોનિયો ગુટેરેસે UNSCમાં કહ્યું કે હું બુચામાં માર્યા
ગયેલા નાગરિકોની ભયાનક તસવીરોને ક્યારેય નહીં ભૂલી શકું. હું જવાબદારી નક્કી કરવા
માટે તાત્કાલિક સ્વતંત્ર તપાસની માંગ કરું છું. દુષ્કર્મ અને જાતીય હિંસા વિશે
જાણીને આઘાત લાગ્યો. તેમણે કહ્યું કે વૈશ્વિક અર્થવ્યવસ્થા આ સમયે ભારે નુકસાનનો
સામનો કરી રહી છે. ખાસ કરીને વિકાસશીલ દેશોમાં પરિસ્થિતિ ગંભીર છે. આ યુદ્ધ
આંતરરાષ્ટ્રીય વ્યવસ્થા અને વૈશ્વિક શાંતિ માટે સૌથી મોટો પડકાર છે.

રશિયન
સેનાએ બુચામાં નરસંહાર કર્યો

ઉલ્લેખનીય
છે કે તાજેતરમાં જ યુક્રેનના બુચામાં રશિયન સેના દ્વારા કરવામાં આવેલી તોડફોડ સામે
આવી છે. અહેવાલ છે કે શહેરમાં લગભગ 410 નાગરિકોના
મૃતદેહ મળી આવ્યા હતા. આ સાથે જ એક તસવીર પણ સામે આવી છે જેમાં સેનાની બર્બરતા
સ્પષ્ટ દેખાઈ રહી છે. તેના બંને હાથ બાંધેલા એક વ્યક્તિના માથા પર નજીકથી હુમલો
કરવામાં આવ્યો હતો. યુએસ સ્થિત એક કંપનીએ સેટેલાઇટ ફોટો શેર કરીને દાવો કર્યો છે
કે કીવના ચર્ચમાં મોટી સંખ્યામાં મૃતદેહોને દફનાવવા માટે 45 ફૂટ લાંબો ખાડો ખોદવામાં આવ્યો હતો.