Home » મુકેશ અંબાણીએ આ દેશમાં ખરીદ્યું વધુ એક ઘર, જાણો
મુકેશ અંબાણીએ આ દેશમાં ખરીદ્યું વધુ એક ઘર, જાણો
Vipul Pandya
i have 22 years experince in journalism field in diffrent media instituie like etv gujarati, tv9, sandesh news and gujarat samachar and divy bhaskar news paper. crime and political news is my favoaurit subject
93
દિગ્ગજ ભારતીય ઉદ્યોગપતિ (Indian businessman)અને એશિયાના બીજા (Asiasecond)સૌથી ધનિક વ્યક્તિ મુકેશ અંબાણી(Mukesh Ambani)એ પોતાનો જ રેકોર્ડ તોડ્યો છે. વાસ્તવમાં, રિલાયન્સના ચેરમેને ભૂતકાળમાં દુબઈમાં $80 મિલિયનમાં રહેણાંક મિલકત ખરીદી હતી અને હવે તેના કરતાં બમણી કિંમતે વૈભવી હવેલી ખરીદી છે. આ હવેલીની કિંમત લગભગ $163 મિલિયન જણાવવામાં આવી રહી છે.
$163 મિલિયન સોદો
બ્લૂમબર્ગના રિપોર્ટ અનુસાર મુકેશ અંબાણીએ થોડા મહિનામાં દુબઈમાં આ બીજી મોટી રિયલ એસ્ટેટ ડીલ કરી છે. રિપોર્ટમાં જણાવવામાં આવ્યું છે કે ગયા અઠવાડિયે રિલાયન્સના ચેરમેને કુવૈતી ટાયકૂન મોહમ્મદ અલશાયાના પરિવાર પાસેથી લગભગ $163 મિલિયનમાં પામ જુમેરાહ મેન્શન ખરીદ્યું હતું. જેમાં નામ ન આપવાની શરતે આ મામલાના એક નિષ્ણાતને ટાંકીને આ માહિતી આપવામાં આવી છે.
આ ડીલ સૌથી મોટી ડીલમાં સામેલ છે
મુકેશ અંબાણીની આ ડીલને દુબઈની સૌથી મોંઘી રેસિડેન્શિયલ ડીલ તરીકે ઓળખવામાં આવી રહી છે. કુવૈત સ્થિત બિઝનેસ સમૂહ અલશાયા પાસે સ્ટારબક્સ, H&M અને વિક્ટોરિયા સિક્રેટ સહિતની મુખ્ય રિટેલ બ્રાન્ડ્સ માટે સ્થાનિક ફ્રેન્ચાઈઝી છે. તમને જણાવી દઈએ કે મુકેશ અંબાણીએ પામ જુમેરાહમાં પ્રોપર્ટી ખરીદ્યા બાદ દુનિયાના બીજા ઘણા અમીર લોકો આ વિસ્તારમાં પ્રોપર્ટી ખરીદવા માટે સ્પર્ધામાં ઉતર્યા છે.
આ વર્ષે આ વિલા 80 મિલિયનમાં ખરીદવામાં આવ્યો હતો
મુકેશ અંબાણીએ દુબઈમાં જે જુમેરાહ હવેલી ખરીદી છે તે આ વર્ષની શરૂઆતમાં તેણે જે વિલા $80 મિલિયનમાં ખરીદ્યું હતું તેનાથી થોડે દૂર સ્થિત છે. અગાઉના બ્લૂમબર્ગના અહેવાલ મુજબ, 2022 ની શરૂઆતમાં, મુકેશ અંબાણીએ તેમના સૌથી નાના પુત્ર અનંત અંબાણીને પામ જુમેરાહ બીચ પર આ વિલા ખરીદ્યો હતો.
આકાશ અંબાણી માટે યુકેમાં ઘર
ગયા વર્ષે, રિલાયન્સ ગ્રુપે યુકેમાં સ્ટોક પાર્ક લિમિટેડને ખરીદવા માટે $79 મિલિયન ખર્ચ્યા હતા. આમાં જ્યોર્જિયન યુગની હવેલીનો સમાવેશ થાય છે, જે મુકેશ અંબાણીએ તેમના મોટા પુત્ર આકાશ અંબાણી માટે ખરીદ્યો હતો. તે જ સમયે મુકેશ અંબાણી હવે ન્યૂયોર્કમાં પણ મોટી પ્રોપર્ટી શોધી રહ્યા છે.
Vipul Pandya
i have 22 years experince in journalism field in diffrent media instituie like etv gujarati, tv9, sandesh news and gujarat samachar and divy bhaskar news paper. crime and political news is my favoaurit subject