સપ્તાહના અંતિમ દિવસે ભારતીય શેરબજાર ઘટડા સાથે બંધ થયું હતું. બીએસઈનો સેન્સેક્સ 123.52 પોઈન્ટના ઘટડા સાથે 60,682.70 પર બંધ રહ્યો છે જ્યારે નિફ્ટી 39.95 પોઈન્ટના ઘટાડા સાથે 17856.50 પર બંધ રહ્યો છે.
સપ્તાહના અંતિમ દિવસે શેરબજારમાં ઘટાડા સાથે શરૂઆત થઈ હતી
વૈશ્વિક નબળા સંકેતોની અસર ભારતીય શેરબજાર પર પણ જોવા મળી છે. આજે સપ્તાહના અંતિમ સેશનમાં ભારતીય સ્ટોક માર્કેટમાં સવારે સુસ્ત શરૂઆત જોવા મળી રહી છે. આજે બીએસઈનો સેન્સેક્સ ગઈકાલના 60806.22ની સામે 99.41 પોઈન્ટ ઘટીને 60706.81 પર ખુલ્યો હતો જ્યારે નિફ્ટી ગઈકાલના 17893.45ની સામે 45.90 પોઈન્ટ ઘટીને 17847.55 પર ખુલ્યો હતો. બેંક નિફ્ટીની વાત કરીએ તો તે ગઈકાલના 41554.3ની સામે 101.90 પોઈન્ટ ઘટીને 41452.4 પર ખુલ્યો હતો.
લગભગ 1128 શેર વધ્યા છે
ખુલતાં જ 9-16 કલાકે સેન્સેક્સ 95.02 પોઈન્ટ અથવા 0.16% ઘટીને 60711.20 પર અને નિફ્ટી 44.20 પોઈન્ટ અથવા 0.25% ઘટીને 17849.30 પર હતો. લગભગ 1128 શેર વધ્યા છે, 846 શેર ઘટ્યા છે અને 110 શેર યથાવત છે. બજાજ ફાઇનાન્સ, બજાજ ફિનસર્વ, યુપીએલ, એમએન્ડએમ અને બ્રિટાનિયા ઇન્ડસ્ટ્રીઝ નિફ્ટીમાં મુખ્ય વધનારા હતા, જ્યારે અદાણી એન્ટરપ્રાઇઝ, અદાણી પોર્ટ્સ, એચસીએલ ટેક્નોલોજી, હિન્દાલ્કો ઇન્ડસ્ટ્રીઝ અને ઇન્ફોસિસ સૌથી વધુ ઘટનારા સ્ટોક હતા.
આપણ વાંચો- હવે ATMમાંથી તમે કાઢી શકશો સિક્કાઓ , RBIની જાહેરાત