Home » કોલકાતાના ઇડન ગાર્ડનમાં પહેલી T20 મેચ શરુ, રવિ બિશ્નોઇનું આંતરરાષ્ટ્રીય ક્રિકેટમાં ડેબ્યુ
કોલકાતાના ઇડન ગાર્ડનમાં પહેલી T20 મેચ શરુ, રવિ બિશ્નોઇનું આંતરરાષ્ટ્રીય ક્રિકેટમાં ડેબ્યુ
Vipul Pandya
i have 22 years experince in journalism field in diffrent media instituie like etv gujarati, tv9, sandesh news and gujarat samachar and divy bhaskar news paper. crime and political news is my favoaurit subject
59
ભારત અને વેસ્ટ ઇન્ડિઝ વચ્ચે ટી-20 સિરીઝની પહેલી મેચ કોલકાતાના ઇડન ગાર્ડનમાં શરુ થઇ ગઇ છે. ભારતીય કેપ્ટન રોહિત શર્માએ પ્લેઇંગ ઇલેવનમાં રવિ બિશ્નનોઇ અને હર્ષલ પટેલને સામેલ કર્યા છે. જેમાં રવિ બિશ્નોઇ માટે આ મેચ તેની આંતરરાષ્ટ્રીય ક્રિકેટમાં ડેબ્યુ છે. બીસીસીઆઇ દ્વારા આ વિશે ટ્વિટ કરીને રવિ બિશ્નોઇને શુભેચ્છા પણ આપવામાં આવી છે. જો કે ભારતીય ટીમના મજબૂત ખેલાડી કે એલ રાહુલ આ મેચમાં નથી અને તે સિવાય અક્ષર પટેલ અને વોશિંગટન સુંદર પણ નથી. જેથી કોહલી અને રોહિત શર્મા જેવા ખેલાડીઓ પર ટીમને મેચ જીતાડવાની જવાબદારી વધી છે.
ઉલ્લેખનીય છે કે આ પહેલા વેસ્ટ ઇન્ડિઝ અને ભારત વચ્ચેની વનડે સિરીઝમાં ભારતે 3-0થી જીત મેળવી હતી. ત્યારે આ વખતે પણ વેસ્ટ ઇન્ડિઝનો વ્હાઇટ વોશ કરવા માટે ભારતીય ટીમ મેદાનમાં ઉતરી છે. જો ભારત અને વેસ્ટ ઈન્ડિઝ વચ્ચે અત્યાર સુધી રમાયેલી ટી-20 મેચોના રેકોર્ડની વાત કરીએ તો તેમાં ભારતનું પલડું ભારે છે. આ બંને ટીમો વચ્ચે અત્યાર સુધીમાં 17 T20 મેચ રમાઈ છે. ભારતે 10 મેચ જીતી અને વેસ્ટ ઈન્ડિઝને માત્ર 6 મેચમાં જ જીત મળી છે. તો અન્ય એક મેચનું કોઇ પરિણામ આવ્યું નહોતું. આ તરફ કોલકાતામાં રમાઇ રહેલી આજની મેચમાં ભારતીય કેપ્ટન રોહિત શર્માએ ટોસ જિતીને પહેલા બોલિંગનો નિરણય કર્યો છે.
ભારતીય ટીમ ઃ ઇશાન કિશન, રોહિત શર્મા, વિરાટ કોહલી, સૂર્યકુમાર યાદવ, ઋષભ પંત, વેંકટેશ અય્યર, દિપક ચહર, ભુવનેશ્વર કુમાર, હર્ષલ પટેલ, રવિ બિશ્નોઇ, યજુવેન્દ્ર ચહલ
વેસ્ટ ઇન્ડિઝ ટીમ ઃ બ્રેન્ડન કિંગ, કાઈલ મેયર્સ, નિકોલસ પૂરન, રોવમેન પોવેલ, કિરોન પોલાર્ડ, રોસ્ટન ચેઝ, રોમારિઓ શેફર્ડ, ઓડિન સ્મિથ, અકિલ હોસેન, શેલ્ડન કોટ્રેલ, ફેબિયન એલન,
Vipul Pandya
i have 22 years experince in journalism field in diffrent media instituie like etv gujarati, tv9, sandesh news and gujarat samachar and divy bhaskar news paper. crime and political news is my favoaurit subject