Hiren Dave SRH vs Mi : સનરાઈઝર્સ હૈદરાબાદે ઈન્ડિયન પ્રીમિયર લીગના ઈતિહાસમાં (IPL History) બોર્ડ પર સૌથી મોટો સ્કોર નોંધાવ્યો. IPL 2024ની આઠમી મેચમાં હૈદરાબાદે મુંબઈ સામે રમાઈ રહેલી મેચમાં 20 ઓવરમાં 3 વિકેટે 277 રન બનાવ્યા હતા. હૈદરાબાદે ટૂર્નામેન્ટમાં સૌથી વધુ સ્કોર બનાવવાના મામલે RCBનો રેકોર્ડ તોડ્યો હતો. બેંગલુરુએ 2013ની સિઝનમાં પુણે વોરિયર્સ સામે 263 રન બનાવ્યા હતા હૈદરાબાદે પોતાની ઈનિંગમાં 18 સિક્સ ફટકારી હતી.
હૈદરાબાદની નવી ઓપનિંગ જોડી
સનરાઇઝર્સે આજે નવી ઓપનિંગ જોડી સાથે શરૂઆત કરી હતી. મયંક અગ્રવાલ અને ટ્રેવિસ હેડ ઈનિંગની શરૂઆત કરવા આવ્યા હતા. ટ્રેવિસ હેડે પ્રથમ બોલથી આક્રમક બેટિંગ કરી હતી. મયંક અગ્રવાલ અને હેડે 4 ઓવરમાં ટીમનો સ્કોર 45 રન પહોંચાડી દીધો હતો. મયંક અગ્રવાલ 11 રન બનાવી આઉટ થયો હતો. હૈદરાબાદે પાવરપ્લેમાં 81 રન ફટકાર્યા હતા.
Innings Break!
It's a record smashing evening in Hyderabad and @mipaltan need to break another to clinch a win!
Chase coming up shortly ⌛️
Scorecard ▶️ https://t.co/oi6mgyCP5s#TATAIPL | #SRHvMI pic.twitter.com/JQgFaT2Hdt
— IndianPremierLeague (@IPL) March 27, 2024
આઈપીએલ ઈતિહાસના સર્વોચ્ચ સ્કોર
- SRH 277/3 vs MI in 2024
- RCB 263/5 vs PWI in 2013
- LSG 256/5 vs PBKS in 2023
- RCB 248/3 vs GL in 2016
- CSK 246/5 vs RR in 2010
- KKR 245/6 vs KXIP in 2018
- CSK 240/5 vs KXIP in 2008
- CSK 235/4 vs KKR in 2023
ટ્રેવિસ હેડ અને અભિષેક શર્માએ બોલરોની ધોલાઈ કરી
આઈપીએલમાં પ્રથમવાર સનરાઇઝર્સ માટે રમવા ઉતરેલા ટ્રેવિસ હેડે 24 બોલમાં 9 ચોગ્ગા અને 3 સિક્સ સાથે 62 રન ફટકાર્યા હતા. ટ્રેવિસ હેડ આઉટ થયા બાદ અભિષેક શર્માએ ઈનિંગ સંભાળી હતી. અભિષેક શર્માએ માત્ર 16 બોલમાં પોતાની અડધી સદી પૂરી કરી હતી. અભિષેક શર્મા 23 બોલમાં 7 સિક્સ અને 3 ચોગ્ગા સાથે 63 રન બનાવી આઉટ થયો હતો.
256/3 WITH 1 OVER TO GO 💥@SunRisers inching closer to an all time record!
Follow the Match ▶️ https://t.co/oi6mgyCP5s#TATAIPL | #SRHvMI pic.twitter.com/AnmWygpNfN
— IndianPremierLeague (@IPL) March 27, 2024
માર્કરમ અને ક્લાસિનનું શાનદાર ફિનિશ
અભિષેક શર્મા આઉટ થયા બાદ હેનરિક ક્લાસેન અને એડન માર્કરમે ઈનિંગ સંભાળી હતી. હેનરિક ક્લાસેને માત્ર 23 બોલમાં 1 ફોર અને 5 સિક્સ સાથે પોતાની અડધી સદી પૂરી કરી હતી. હેનરિક ક્લાસેન 34 બોલમાં 7 સિક્સ અને 4 ચોગ્ગા સાથે 80 રન બનાવી અણનમ રહ્યો હતો. જ્યારે માર્કરમ 28 બોલમાં 42 રન બનાવી નોટઆઉટ રહ્યો હતો.
મુંબઈના બોલરોનું પ્રદર્શન
મુંબઈ તરફથી ક્વેના મફાકાએ 4 ઓવરમાં 66 રન આપ્યા હતા. હાર્દિક પંડ્યાએ 4 ઓવરમાં 46 રન આપી 1 વિકેટ લીધી હતી. જસપ્રીત બુમરાહે 4 ઓવરમાં 36 રન આપ્યા હતા. જેરાલ્ડ કોએત્ઝીએ 4 ઓવરમાં 57 રન આપી એક સફળતા મેળવી હતી. પીયુષ ચાવલાએ 2 ઓવરમાં 33 રન આપી એક વિકેટ લીધી હતી. શમ્સ મુલાનીએ 2 ઓવરમાં 33 રન આપ્યા હતા.
આ પણ વાંચો – CSK vs GT : શુભમન ગિલે એવું શું કર્યું કે લાગ્યો રૂપિયા 12 લાખનો દંડ ?
આ પણ વાંચો – IPL 2024 : CSK ની સતત બીજી જીત, GT ને 63 રનથી હરાવ્યું…
આ પણ વાંચો – RCB vs PBKS : ચાલુ મેચમાં એક દર્શક મેદાનમાં ઘુસ્યો, કોહલી સાથે કર્યું કઇંક આવું, Video
