પુત્રને યોગ કરતા જોઈ માતા બિંદુ જોષી ને પણ ઘેલું લાગ્યુ અને બિંદુ જોષી પણ સિલ્વર મેડલ જીતી લાવ્યા. આ અંગે બિંદુ જોષી એ જણાવ્યું હતું કે પુત્રની યોગ ક્ષેત્રની આ સિદ્ધિને લઈ પરિવાર ખૂબ જ ગર્વની લાગણી અનુભવી રહ્યું છે. કરણ નાનો હતો ત્યારથી જ ખૂબ જ અદ્દભૂત યોગના આસન કરતો હતો. તેની યોગ પાછળની આ લગનને જોઈ મને પણ યોગ શીખવાનો શોખ જાગ્યો હતો. હું પણ છેલ્લા બે વર્ષથી યોગ શીખીને સ્પર્ધામાં ભાગ લઈ રહી છું.સાથે જ સિલ્વર મેડલ પણ મેળવ્યો છે.એટલું જ નહીં ધોરણ છ માં અભ્યાસ કરતો તેનો નાનો ભાઈ સાર્થક જોશી પણ યોગ અભ્યાસમાં ખૂબ જ રસ લઈ રહ્યો છે. આજે બે વર્ષમાં સાર્થક પણ ખૂબ જ સારો યોગ અભ્યાસ શીખી ચૂક્યો છે.તેણે પણ સાઉથ એશિયન યોગાસન ચેમ્પિયનશિપમાં સિલ્વર મેડલ મેળવી મોટાભાઈના કદમ પર આગળ વધી રહ્યો છે.  કરણ ના પિતા એ જણાવ્યું હતું કે બાળકને આપણી નહીં, પરંતુ તેને જેમાં શોખ હોય તેમાં તેને આગળ વધવા માટે માતા-પિતાએ પ્રોત્સાહન આપવું જોઈએ અને તેટલા માટે જ બંને બાળકોને યુગમાં શોખ હોવાથી તેમાં આગળ વધવા અમે પ્રોત્સાહન આપી રહ્યા છે અને આજે પરિવાર ને તેમના પર ગર્વ છે..

યોગ અભ્યાસમાં પણ વાલીઓએ પોતાના વિદ્યાર્થીને મહત્ત્વ આપવું જોઈએ

આ પણ વાંચો—ભુજના કિઆન શાહે એક સાથે ત્રણ પ્રવૃત્તિ કરી સર્જ્યો વર્લ્ડ રેકોર્ડ