Gaganyaan : વડાપ્રધાન નરેન્દ્ર મોદીએ આજે અવકાશમાં ભારતના પ્રથમ માનવ મિશન ( Gaganyaan) પર જનારા ચાર ભારતીયોનું સન્માન કર્યું હતું. અંતરિક્ષમાં જનારા આ અવકાશયાત્રીઓ (Astronaut)માં ગ્રુપ કેપ્ટન પ્રશાંત નાયર, ગ્રુપ કેપ્ટન અજીત કૃષ્ણન, ગ્રુપ કેપ્ટન અંગદ પ્રતાપ અને વિંગ કમાન્ડર શુભાંશુ શુક્લાનો સમાવેશ થાય છે. વડા પ્રધાન મંગળવારે કેરળના તિરુવનંતપુરમ પહોંચ્યા હતા, જ્યાં તેમણે વિક્રમ સારાભાઈ સ્પેસ સેન્ટરની મુલાકાત લીધી હતી અને ભારતના પ્રથમ માનવસહિત અવકાશ મિશન ગગનયાન ( Gaganyaan) ની તૈયારીઓની સમીક્ષા કરી હતી. આ દરમિયાન ઈસરોના વડા એસ સોમનાથ, કેરળના સીએમ પી વિજયન અને રાજ્યપાલ આરીફ મોહમ્મદ ખાન પણ હાજર હતા.
ગગનયાન મિશન શું છે?
ગગનયાન દેશનું પ્રથમ માનવ અવકાશ ઉડાન મિશન છે, જે અંતર્ગત ચાર અવકાશયાત્રીઓને અવકાશમાં મોકલવામાં આવશે. આ મિશન આવતા વર્ષના અંત સુધીમાં અથવા 2025ની શરૂઆતમાં મોકલી શકાય છે. 2024માં અવકાશમાં માનવરહિત પરીક્ષણ ફ્લાઇટ મોકલવાનું લક્ષ્ય છે, જેમાં વ્યોમામિત્ર રોબોટ મોકલવામાં આવશે. ગગનયાન મિશનનો ઉદ્દેશ્ય ત્રણ દિવસના ગગનયાન મિશન માટે પૃથ્વીની 400 કિમીની નીચલી ભ્રમણકક્ષા પર માનવોને અવકાશમાં મોકલવાનો અને તેમને સુરક્ષિત રીતે પૃથ્વી પર પાછા લાવવાનો છે.
#WATCH | Prime Minister Narendra Modi reviews the progress of the Gaganyaan Mission and bestows astronaut wings to the astronaut designates, Group Captain Prashanth Nair, Group Captain Ajit Krishnan, Group Captain Angad Pratap and Wing Commander Shubhanshu Shukla. pic.twitter.com/Yyiv499ARp
— ANI (@ANI) February 27, 2024
ઈસરોએ રશિયાના અનુભવમાંથી શીખ્યું કે માનવયુક્ત મિશનમાં ક્રૂ સેફ્ટીનું સર્વોચ્ચ મહત્વ હોવું જોઈએ
રશિયન મિશન Soyuz MS-10 મિશન 11 ઓક્ટોબર 2018 ના રોજ લોન્ચ કરવામાં આવ્યું હતું. આ મિશનમાં રશિયન એજન્સી રોસકોસ્મોસે તેના સભ્ય એલેક્સી ઓવચિનિનને અને નાસાએ તેના સભ્ય નિક હેગને મોકલ્યા. ટેક-ઓફ પછી, મિશન કંટ્રોલે જાહેરાત કરી કે બૂસ્ટર નિષ્ફળ ગયું છે. 35 વર્ષમાં તે પ્રથમ વખત હતું કે રશિયન બૂસ્ટર નિષ્ફળ થયું પરંતુ ક્રૂ લોન્ચ એસ્કેપ સિસ્ટમને કારણે બચી શક્યો. લોન્ચિંગ પછી, ક્રૂ કેપ્સ્યુલને લોન્ચ વ્હીકલથી અલગ કરવામાં આવી હતી. આથી જ ઈસરોએ રશિયાના અનુભવમાંથી શીખ્યું છે કે માનવયુક્ત મિશનમાં ક્રૂ સેફ્ટીનું સર્વોચ્ચ મહત્વ હોવું જોઈએ.
ગગનયાન સફળ થતાં જ ભારત વિશેષ યાદીમાં સામેલ થઈ જશે.
જો ગગનયાન મિશન સફળ થશે, તો ભારત એવા દેશોની એક વિશિષ્ટ યાદીમાં જોડાશે કે જેમણે પોતાનું ક્રૂ સ્પેસક્રાફ્ટ લોન્ચ કર્યું છે. હાલમાં માત્ર અમેરિકા, રશિયા અને ચીન એવા દેશો છે જેમણે આ સિદ્ધી પ્રાપ્ત કરી છે. અગાઉ કેપ્ટન રાકેશ શર્મા અંતરિક્ષમાં જનારા ભારતના પ્રથમ વ્યક્તિ હતા. 1984 માં, રાકેશ શર્મા ISRO અને રશિયાના ઇન્ટરકોસ્મિક પ્રોગ્રામના સંયુક્ત અવકાશ મિશનના ભાગ રૂપે આઠ દિવસ સુધી અવકાશમાં રહ્યા. રાકેશ તે સમયે ભારતીય વાયુસેનાના સ્ક્વોડ્રન લીડર અને પાયલોટ હતા. કલ્પના ચાવલા અમેરિકન સ્પેસ એજન્સી નાસા દ્વારા અવકાશમાં જનારી ભારતીય મૂળની પ્રથમ મહિલા હતી. તેમના સિવાય સુનીતા વિલિયમ્સ અવકાશમાં જનારી ભારતીય મૂળની બીજી મહિલા છે.
આ પણ વાંચો—-PM MODI તિરુવનંતપુરમ VSSC ની મુલાકાતે પહોંચ્યા, ISROના ગગનયાન મિશનની સમીક્ષા કરી
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ