Hardik Shah આઈસલેન્ડ બાદ ડેનમાર્કને દુનિયાનો સૌથી શાંત દેશ માનવામાં આવે છે. પરંતુ છેલ્લા ઘણા દિવસોથી અહીં જે થઇ રહ્યું છે તે તેની ઓળખથી વિપરિત છે. તાજેતરના વર્ષોમાં આપણે જોયું કે મુસ્લિમોના પવિત્ર પુસ્તક કુરાનને ડેનમાર્ક અને સ્વીડનમાં અપમાનિત અને બાળી નાખવામાં આવ્યું હતું. પરંતુ હવે ડેનિશ સરકાર આવા વિરોધને લઈને કડક બનવા જઈ રહી છે. એવું કહેવામાં આવી રહ્યું છે કે કુરાન સળગાવીને વિરોધ કરનારાઓ સામે કડક કાર્યવાહી થઈ શકે છે.
સ્વીડન બાદ ડેનમાર્કમાં પણ કુરાનને સળગાવવામાં આવ્યું
યુરોપમાં ઈસ્લામ ધર્મને લઇને નફરત સતત વધતી જવા મળી રહી છે. ક્યાક ઈસ્લામની પવિત્ર પુસ્તક કુરાનને સળગાવવામાં આવી રહ્યું છે તો ક્યાક મુસ્લિમ દેશોમાંથી આવેલા શરણાર્થીઓને દેશથી નિકાળવાની માંગ થઇ રહી છે. નોંધપાત્ર રીતે, મંગળવારે ડેનમાર્કના કોપનહેગનમાં ઈસ્લામિક વિરોધીઓના એક નાના જૂથે ઇજિપ્ત અને તુર્કીના દૂતાવાસોની સામે કુરાનની નકલ સળગાવી હતી, તે પહેલા સ્વીડનમાં ઇદના અવસર પર એક મસ્જિદની સામે તેને સળગાવી દેવામાં આવી હતી. વળી, કુરાન સળગાવવાના વિરોધમાં ઇરાકમાં વિરોધીઓએ બગદાદમાં સ્વીડિશ દૂતાવાસમાં તોડફોડ કરી અને આગ લગાવી હતી. લગભગ એક મહિના પહેલા સ્વીડનના સ્ટોકહોમમાં કુરાન સળગાવવાનો મામલો સામે આવ્યો હતો. ઈદ-અલ-અદહા નિમિત્તે કુરાન સળગાવવાથી ભારે હોબાળો મચી ગયો હતો.
ઈસ્લામિક દેશોએ નારાજગી વ્યક્ત કરી
સમગ્ર વિશ્વમાં ઇસ્લામિક દેશોમાં આ ઘટનાનો ઉગ્ર વિરોધ થયો હતો. એટલું જ નહીં, આ ઘટનાના વિરોધમાં પ્રદર્શનકારીઓએ ઇરાકની રાજધાની બગદાદ સ્થિત સ્વીડિશ દૂતાવાસ પર હુમલો કર્યો અને તેને આગ ચાંપી દીધી. પરંતુ હજુ પણ કુરાન સળગાવવાનો મામલો અટક્યો નથી. ડેનમાર્કમાં કેટલાક પ્રદર્શનકારીઓએ કુરાન સળગાવી હતી. ગયા મહિને સ્વીડનમાં આવી બે ઘટનાઓ બની હતી, જેના પછી મુસ્લિમ દેશોએ ભારે નારાજગી વ્યક્ત કરી હતી. આ ઘટનાઓને ઇસ્લામિક દેશો તરફથી અભિવ્યક્તિની સ્વતંત્રતાના દુરુપયોગ તરીકે વર્ણવવામાં આવી છે. એટલું જ નહીં, સ્વીડન અને ડેનમાર્કમાં કુરાન સળગાવવાના આ કિસ્સાઓ સામે ઘણા ઇસ્લામિક દેશોમાં વિરોધ પ્રદર્શન પણ થઈ રહ્યા છે. ઈરાકમાં હિંસક દેખાવો થયા પછી ઈરાન અને લેબેનોનમાં દેખાવો થયા. સાઉદી અરેબિયા અને ઈરાકે સ્વીડન અને ડેનમાર્ક બંનેમાં કુરાનની અપમાનને સંબોધવા માટે સોમવારે જેદ્દાહમાં ઓર્ગેનાઈઝેશન ઓફ ઈસ્લામિક કોઓપરેશન (OIC)ની બેઠક બોલાવી છે.
Denmark to seek legal means to prevent Quran desecration
Read @ANI Story | https://t.co/WSLy6BXGc9#Denmark #QuranDesecration #Sweden #DanishForeignMinistry pic.twitter.com/SagKjEAm5w
— ANI Digital (@ani_digital) July 30, 2023
કાયદાકીય પગલા લેવાશે
ડેનમાર્કના વિદેશ મંત્રાલયે એક નિવેદનમાં કહ્યું કે, આવા વિરોધ ઉગ્રવાદીઓના હાથમાં છે અને સરકાર તપાસ કરી રહી છે, ડેનમાર્કમાં અન્ય દેશો, સંસ્કૃતિ અને ધર્મોનું અપમાન કરવું એ દેશની સુરક્ષા માટે ખતરો છે. સંબંધોમાં નકારાત્મક પરિણામો આવી શકે છે. નિવેદનમાં કહેવામાં આવ્યું છે કે ડેનમાર્કમાં અભિવ્યક્તિની સ્વતંત્રતાનો વ્યાપ ઘણો વ્યાપક છે, તેથી બંધારણીય રીતે સંરક્ષિત અભિવ્યક્તિની સ્વતંત્રતાના માળખામાં વિરોધ કરવો જોઈએ. ડેનિશ સરકારે કહ્યું કે, વિરોધ એવા સ્તરે પહોંચી ગયો છે જ્યાં ડેનમાર્કને વિશ્વના ઘણા ભાગોમાં એક એવા દેશ તરીકે જોવામાં આવે છે જે અન્ય દેશોની સંસ્કૃતિ, ધર્મ અને પરંપરાઓનો અનાદર કરે છે. તેમાં ઉમેર્યું હતું કે કેટલીક ક્રિયાઓ મુખ્યત્વે ઉશ્કેરણીનો હેતુ હતો અને તેના ગંભીર પરિણામો આવી શકે છે. ડેનિશ અને સ્વીડિશ બંને રાજદૂતોને કેટલાક મુસ્લિમ દેશોમાં બોલાવવામાં આવ્યા છે. ડેનિશ સરકારે કુરાનના અપમાનની આવી ઘટનાઓ પર સુરક્ષાની ચિંતા વ્યક્ત કરી હતી અને કહ્યું હતું કે તે પવિત્ર ગ્રંથોને બાળી નાખવાના વિરોધને રોકવા માટે કાયદાકીય પગલાં લેશે.
સ્વીડિશ વડાપ્રધાને શું કહ્યું ?
વળી રવિવારે એક નિવેદનમાં, સ્વીડિશ વડાપ્રધાન ઉલ્ફ ક્રિસ્ટરસને જણાવ્યું હતું કે, તેઓ તેમના ડેનિશ સમકક્ષ મેટ્ટે ફ્રેડરિકસેન સાથે ગાઢ સંપર્કમાં છે, અને સ્વીડનમાં સમાન પ્રક્રિયા પહેલેથી જ ચાલી રહી છે. “અમે પહેલાથી જ સ્વીડન અને વિશ્વભરમાં અમારી રાષ્ટ્રીય સુરક્ષા અને સ્વીડનની સુરક્ષાને મજબૂત કરવાના પગલાં પર વિચાર કરવા માટે કાનૂની પરિસ્થિતિનું વિશ્લેષણ કરવાનું શરૂ કરી દીધું છે,” ક્રિસ્ટરસેને Instagram પર એક પોસ્ટમાં જણાવ્યું હતું.
ઉલ્લેખનીય છે કે, ફ્રાન્સમાં થયેલા દંગા બાદ યુરોપના દેશોએ તો ત્યા સુધી બોલવાનું શરૂ કરી દીધું છે કે મુસ્લિમ દેશના શરણાર્થીઓ તેમના દેશ પર કબજો કરવાની ઈચ્છા ધરાવી રહ્યા છે. યુરોપીય દેશોના લોકો કહી રહ્યા છે કે, શરણાર્થીઓના કારણે તેમના દેશમાં કટ્ટરતા સતત વધી રહી છે. 28 જુન 2023 ના રોજ સ્વીડનની સ્ટોકહોમ મસ્જિદની બહાર પોલીસના હોવા છતા ઈરાકી શરણાર્થીઓએ સાલ્વીન મોમીકાએ કુરાનને સળગાવ્યું હતું તે પછી સમગ્ર વિશ્વમાં સ્વીડન વિરુદ્ધ વિરોધ પ્રદર્શન શરૂ થઇ ગયો હતો.
આ પણ વાંચો – પાકિસ્તાનમાં ભયાનક Bomb Blast, 35 થી વધુના મોત, 200 થી વધુ ઈજાગ્રસ્ત
આ પણ વાંચો – લાઈવ કોન્સર્ટમાં અમેરિકન સિંગર Cardi B એ ફેન્સને કેમ માર્યું માઈક ? Video
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ
