Vipul Pandya BJP : ભારતીય જનતા પાર્ટી (BJP )એ શુક્રવારે લોકસભા અને રાજ્યસભામાં તેના તમામ સાંસદોને વ્હિપ ( whip ) જારી કર્યો છે. જેમાં તેમને શનિવારે 10 ફેબ્રુઆરીએ સંસદમાં ફરજિયાત હાજર રહેવા માટે કહેવામાં આવ્યું છે. એવું કહેવામાં આવી રહ્યું છે કે બંને ગૃહોમાં કેટલાક મહત્વપૂર્ણ વિધાનિક કામો પર ચર્ચા થવાની છે.
શનિવારે આખો દિવસ ગૃહમાં હાજર રહી સરકારના સ્ટેન્ડને સમર્થન આપવા અપીલ
વ્હીપે કહ્યું, ‘લોકસભા અને રાજ્યસભાના તમામ ભાજપના સભ્યોને જાણ કરવામાં આવે છે કે 10 ફેબ્રુઆરી, 2024 ના રોજ, કેટલાક ખૂબ જ મહત્વપૂર્ણ કાયદાકીય કામકાજ પર ચર્ચા થવાની છે અને બંને ગૃહોમાં પસાર થવાની છે. આથી લોકસભા અને રાજ્યસભાના તમામ ભાજપના સભ્યોને શનિવારે આખો દિવસ ગૃહમાં હાજર રહી સરકારના સ્ટેન્ડને સમર્થન આપવા અપીલ છે. ભાજપ દ્વારા લોકસભા અને રાજ્યસભા માટે અલગથી આ વ્હીપ જારી કરવામાં આવ્યો હોવાનું જાણવા મળે છે.
સંસદે શુક્રવારે જમ્મુ અને કાશ્મીર સંબંધિત ત્રણ બિલોને મંજૂરી આપી
સંસદે શુક્રવારે જમ્મુ અને કાશ્મીર સંબંધિત ત્રણ બિલોને મંજૂરી આપી હતી, જેમાં કેન્દ્રશાસિત પ્રદેશમાં સ્થાનિક સંસ્થાઓની ચૂંટણીઓમાં ઓબીસીને અનામત આપવાની જોગવાઈઓ અને અનુસૂચિત જાતિમાં વાલ્મિકી સમુદાયનો સમાવેશ થાય છે. જમ્મુ અને કાશ્મીર પંચાયતી રાજ બિલ (સુધારા) બિલ, બંધારણ (જમ્મુ અને કાશ્મીર) અનુસૂચિત જાતિ ઓર્ડર (સુધારા) બિલ, 2024 અને બંધારણ (જમ્મુ અને કાશ્મીર) અનુસૂચિત જનજાતિ ઓર્ડર (સુધારા) બિલ એક સાથે અવાજ મત દ્વારા પસાર કરવામાં આવ્યા હતા. લોકસભા આ પહેલા જ પાસ કરી ચૂકી છે. કેન્દ્રીય ગૃહ રાજ્ય પ્રધાન નિત્યાનંદ રાય, સામાજિક ન્યાય અને અધિકારિતા પ્રધાન વીરેન્દ્ર કુમાર અને આદિજાતિ બાબતોના પ્રધાન અર્જુન મુંડાએ બિલ પરની ચર્ચાનો જવાબ આપ્યો અને પછી તેમને ઉપલા ગૃહ દ્વારા મંજૂર કરવામાં આવ્યા.
ભારતીય અર્થતંત્ર પર સંસદમાં શ્વેતપત્ર
આ પહેલા સરકારે ગુરુવારે સંસદમાં ભારતીય અર્થવ્યવસ્થા પર શ્વેતપત્ર રજૂ કર્યું હતું. તેમાં કહેવામાં આવ્યું છે કે ડૉ. મનમોહન સિંહની આગેવાની હેઠળની અગાઉની સંયુક્ત પ્રગતિશીલ ગઠબંધન સરકારને સ્વસ્થ અર્થવ્યવસ્થા વારસામાં મળી હતી પરંતુ તેણે 10 વર્ષમાં તેને અપંગ બનાવી દીધી હતી. નાણામંત્રી નિર્મલા સીતારમણે આ શ્વેતપત્રની નકલો બંને ગૃહોમાં રજૂ કરી હતી. આ સત્રમાં પાછળથી ચર્ચા થઈ શકે છે. શ્વેતપત્રમાં કહેવામાં આવ્યું છે કે યુપીએના સમયમાં દેશમાં મોંઘવારી દર 10 ટકાથી વધુ રહ્યો હતો અને બેંકિંગ ક્ષેત્ર નબળું પડી ગયું હતું. તેમાં કહેવામાં આવ્યું છે કે યુપીએ સરકારના સમયના અન્ય મેક્રો ઈકોનોમિક ડેટા દર્શાવે છે કે તે સમયે ભારતીય અર્થવ્યવસ્થાની સ્થિતિ ખરાબ હતી. તેનાથી દેશની છબી ખરડાઈ અને રોકાણકારોનો વિશ્વાસ ડગમગી ગયો.
આ પણ વાંચો—--MP : 8 સાંસદોને PM MODI એ આપી સજા…
ગુજરાત ફર્સ્ટ તમને સમાચારોથી હંમેશા અવગત રાખશે:
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ
