Hardik Shah એક તરફ વડાપ્રધાન નરેન્દ્ર મોદી (PM Narendra Modi) એ નવું સંસદ ભવન રાષ્ટ્રને સમર્પિત કર્યું છે. તો બીજી તરફ નવી દિલ્હીના જંતર-મંતર પર વિરોધ કરી રહેલા કુસ્તીબાજો (Wrestlers) એ તોડફોડ શરૂ કરી દીધી છે. આ પહેલા પોલીસે રવિવારે તેમની અટકાયત કરી હતી. આ કુસ્તીબાજો નવા સંસદ ભવન (New Parliament Building) તરફ કૂચ કરી રહ્યા હતા. એવું કહેવામાં આવ્યું છે કે, જંતર-મંતર પર કુસ્તીબાજો પર લગાવવામાં આવેલા બેરિકેડિંગ તોડી નાખવામાં આવ્યા હતા. ભૂતકાળમાં કુસ્તીબાજો અને ખાપ પંચાયતો વતી મહાપંચાયતની જાહેરાત કરવામાં આવતી હતી.
કુસ્તીબાજોની કૂચ પહેલા સરહદો સીલ કરી દેવામાં આવી
વડાપ્રધાન નરેન્દ્ર મોદીએ આજે નવા સંસદ ભવનનું ઔપચારિક ઉદ્ઘાટન કર્યું. વળી, રાજધાની દિલ્હીમાં શનિવાર સાંજથી સુરક્ષા વધારી દેવામાં આવી છે અને નવા સંસદ ભવન તરફ કૂચની જાહેરાત કરનાર કુસ્તીબાજોની કૂચ પહેલા સરહદો સીલ કરી દેવામાં આવી છે. જંતર-મંતર પર એક મહિનાથી વધુ સમયથી વિરોધ પ્રદર્શન કરી રહેલા કુસ્તીબાજોએ રવિવારે નવી સંસદની સામે ‘મહિલા મહાપંચાયત’ યોજવાની જાહેરાત કરી છે. વિરોધ કરી રહેલા કુસ્તીબાજો સાત મહિલા કુસ્તીબાજો પર કથિત રૂપે યૌન શોષણ કરવા બદલ પૂર્વ રેસલિંગ ફેડરેશન ઓફ ઈન્ડિયા (WFI)ના વડા બ્રિજ ભૂષણ શરણ સિંહની ધરપકડની માંગ કરી રહ્યા છે. જોકે, એક અધિકારીએ જણાવ્યું હતું કે કુસ્તીબાજો દ્વારા જાહેર કરાયેલ ‘મહિલા મહાપંચાયત’ માટે પરવાનગી આપવામાં આવી નથી. સંસદ સંકુલથી ત્રણ કિલોમીટર દૂર જંતર-મંતર પર કુસ્તીબાજો ધરણા કરી રહ્યા છે.
#WATCH | Delhi: Security personnel stop & detain protesting wrestlers as they try to march towards the new Parliament from their site of protest at Jantar Mantar.
Wrestlers are trying to march towards the new Parliament as they want to hold a women's Maha Panchayat in front of… pic.twitter.com/3vfTNi0rXl
— ANI (@ANI) May 28, 2023
કુસ્તીબાજોનો વિરોધ હવે વેગ પકડી રહ્યો છે
રેસલિંગ ફેડરેશન ઓફ ઈન્ડિયા (WFI)ના પ્રમુખ અને ભાજપના સાંસદ બ્રિજ ભૂષણ સિંહ સામે કુસ્તીબાજોનો વિરોધ હવે વેગ પકડી રહ્યો છે. રવિવારે વિનેશ ફોગટ, સાક્ષી મલિક અને બજરંગ પુનિયા સાથે મોટી સંખ્યામાં કુસ્તીબાજો નવા સંસદ તરફ નીકળ્યા હતા. આ પ્રસંગે કુસ્તીબાજોએ સરકારને સાંસદ સામે કાર્યવાહી કરવા માટે 15 દિવસનો સમય આપ્યો હતો. આ પહેલા નવા સંસદના ઉદ્ઘાટન માટે લ્યુટિયન્સ દિલ્હીમાં સુરક્ષા વધારી દેવામાં આવી હતી. નવા સંસદ ભવન ઉચ્ચ સુરક્ષાવાળા વિસ્તારમાં સ્થિત છે. પોલીસ દ્વારા અહીં વધારાના સુરક્ષા જવાનોની તૈનાતી ઉપરાંત CCTV કેમેરા દ્વારા સતત દેખરેખ રાખવામાં આવી રહી છે. પોલીસે પહેલેથી જ ટ્રાફિક એડવાઇઝરી જારી કરી છે જેમાં કહેવામાં આવ્યું છે કે નવી દિલ્હી જિલ્લાને કન્ટેઈનમેન્ટ ઝોન તરીકે ગણવામાં આવશે અને વાહનોના પ્રવેશ પર પ્રતિબંધ રહેશે.
પોલીસ અધિકારીઓ કરી રહ્યા છે ગેરવર્તન : પુનિયા
કુસ્તીબાજ બજરંગ પુનિયાએ પણ મીડિયા સાથે વાત કરતા કહ્યું હતું કે, અમે સવારે 11:30 વાગ્યે નવી સંસદ તરફ કૂચ કરીશું. હું પોલીસ પ્રશાસનને અપીલ કરીશ કે અમે શાંતિથી જઈશું, અમને હેરાન કરવામાં ન આવે. દરેકને શાંતિ જાળવવા વિનંતી છે. પુનિયાએ આરોપ લગાવ્યો હતો કે પોલીસ અધિકારીઓ ગેરવર્તન કરી રહ્યા છે. પરિવારોને પણ અંદર જવા દેવામાં આવી રહ્યા નથી. આજે મહાપંચાયત થશે. અમે ગઈકાલે જ તેની પરવાનગી માટે અરજી કરી હતી. પોલીસ અમારા લોકોને ગેરમાર્ગે દોરે છે. અમારી કોઈ વાતચીત થઈ નથી.
દિલ્હીમાં કડક સુરક્ષા વ્યવસ્થા
કુસ્તીબાજોની નવી સંસદ કૂચની જાહેરાતને ધ્યાનમાં રાખીને દિલ્હીમાં સુરક્ષા વ્યવસ્થા કડક કરવામાં આવી હતી. પૂર્વ દિલ્હીના DCP અમૃતા ગુગુલોથે કહ્યું કે, દિલ્હી પોલીસ આવા મામલાઓનો સામનો કરવા માટે સંપૂર્ણ રીતે તૈયાર છે. અમારી પાસે વધારાના સુરક્ષા દળો છે અને તમામને તૈનાત કરવામાં આવ્યા છે. વળી, ખાપ પંચાયતના નેતાઓ અને ખેડૂતોએ નવા સંસદ ભવન તરફ વિરોધ કરી રહેલા કુસ્તીબાજોની કૂચમાં જોડાવાની જાહેરાત કરી હોવાથી પોલીસે ટીકરી બોર્ડર પર સુરક્ષા કડક કરી હતી.
આ પણ વાંચો – PM મોદીએ કર્યું નવા સંસદ ભવનનું ઉદ્ઘાટન, તમામ ધર્મના ગુરુઓએ કરી પ્રાર્થના
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ
