રશિયાએ જાહેરાત કરી છે કે તે શનિવારથી ફિનલેન્ડને વીજળીનો સપ્લાય
બંધ કરી દેશે. એવું માનવામાં આવે છે કે રશિયાએ આ પગલું નાટોમાં સામેલ થવાના
ફિનલેન્ડના નિર્ણયને લઈને ઉઠાવ્યું છે. હાલમાં ફિનલેન્ડના રાષ્ટ્રપતિ અને વડાપ્રધાને
જાહેરાત કરી હતી કે તેમનો દેશ નાટો સંગઠનમાં જોડાવાની અરજીને સમર્થન આપે છે. આ
અંગે જરૂરી પગલાં લેવામાં આવી રહ્યા છે. ફિનલેન્ડના વડા પ્રધાન અને રાષ્ટ્રપતિએ
કહ્યું હતું કે નોર્ડિક દેશે હવે સોવિયત સંઘ સાથે સ્પર્ધા કરવા માટે વિલંબ કર્યા
વિના પશ્ચિમી જોડાણનું સભ્યપદ લેવું જોઈએ.
એવું માનવામાં આવે છે કે રશિયા ફિનલેન્ડના આ નિર્ણયથી નારાજ છે અને
તેણે ફિનલેન્ડને વીજળી આપવાનો ઇનકાર કરી દીધો છે. ફિનલેન્ડ નાટોમાં જોડાવાની ઘટના
રશિયા માટે શુભ નથી. રશિયાની ફિનલેન્ડ સાથે લગભગ 1,340 કિમીની સરહદ છે. રશિયા હવે રશિયન સરહદોની નજીક નાટો કેવા માળખાકીય
સુવિધાઓ વિકસાવે છે તેની ચિંતા કરે છે. રશિયાને ડર હતો કે સ્વીડન અને ફિનલેન્ડ
નાટોમાં જોડાઈ શકે છે. આ માટે રશિયાએ ભૂતકાળમાં સ્વીડન અને ફિનલેન્ડને પણ ચેતવણી
આપી હતી કે જો તેઓ નાટોમાં જોડાશે તો તેના દૂરગામી સૈન્ય અને રાજકીય પરિણામો આવશે.
રશિયા પહેલેથી જ નાટો સરહદો નજીક તેની સ્થિતિ મજબૂત કરવામાં વ્યસ્ત
છે. રશિયાના રાષ્ટ્રપતિ વ્લાદિમીર પુતિને તાજેતરમાં જ રશિયાની પશ્ચિમી સરહદો પર
સુરક્ષાને વધુ મજબૂત કરવાનો આદેશ આપ્યો હતો. હવે રશિયાએ પણ સ્વીડન સાથેની સરહદો પર
પોતાની તાકાત લગાવવી પડશે, જ્યારે નાટો દળો હવે સ્વીડન સાથેની
સંધિ બાદ રશિયાની સરહદની ખૂબ નજીક પહોંચી જશે, જેને રાજદ્વારી રીતે રશિયા વિરુદ્ધ માનવામાં આવી રહ્યું છે.