- મહિલા સશક્તિકરણની દિશામાં ઐતિહાસિક પહેલ
- સુંદરવન જેવા મુશ્કેલ વિસ્તારમાં સીમા પર ઓપરેશન માટે મહિલા જવાનોને તૈનાત
- સુંદરવન ક્ષેત્રની સુરક્ષા પડકારોથી ભરેલી
Home » બાંગ્લાદેશ સરહદની રક્ષા કરી રહી છે દિકરીઓ, ઈતિહાસમાં આ પહેલી ઘટના
બાંગ્લાદેશ સરહદની રક્ષા કરી રહી છે દિકરીઓ, ઈતિહાસમાં આ પહેલી ઘટના
Vipul Pandya
i have 22 years experince in journalism field in diffrent media instituie like etv gujarati, tv9, sandesh news and gujarat samachar and divy bhaskar news paper. crime and political news is my favoaurit subject
133
સાઉથ બંગાળ ફ્રન્ટિયર ઓફ બોર્ડર સિક્યુરિટી ફોર્સ (BSF) એ મહિલા સશક્તિકરણ તરફ વધુ એક મોટું પગલું ભર્યું છે. દેશમાં પશ્ચિમ બંગાળ (West Bengal)માં સેંકડો કિલોમીટરમાં ફેલાયેલા સુંદરવન વિસ્તારની સુરક્ષા માટે ફ્રન્ટિયરે મહિલા રક્ષકો (Women Soldiers)ને તૈનાત કર્યા છે. બાંગ્લાદેશ (Bangladesh) સાથેની આ વિશાળ જળ સરહદની સુરક્ષા અત્યંત પડકારજનક માનવામાં આવે છે. સ્વેમ્પ્સ અને ગાઢ જંગલોથી ઘેરાયેલો, આ સુંદરવન પ્રદેશ ભારત અને બાંગ્લાદેશની આંતરરાષ્ટ્રીય જળ સરહદ દ્વારા વિભાજિત થયેલ છે, જેમાં ઈચ્છમતી અને રાયમંગલ જેવી મોટી નદીઓ, ઘણી નાની અને મોટી ઉપનદીઓનો સમાવેશ થાય છે.
ઐતિહાસિક પહેલ
દક્ષિણ બંગાળ ફ્રન્ટિયરના પ્રવક્તા અને ડીઆઈજી અમરીશ કુમાર આર્યએ જણાવ્યું કે BSFના ઈતિહાસમાં આ પહેલી ઘટના છે. તમે આને મહિલા સશક્તિકરણની દિશામાં ઐતિહાસિક પહેલ પણ કહી શકો. તેમણે કહ્યું કે, આ પહેલીવાર છે જ્યારે સુંદરવન જેવા મુશ્કેલ વિસ્તારમાં સીમા પર પેટ્રોલિંગ અને ફ્લોટિંગ બીઓપીના ઓપરેશન માટે મહિલા જવાનોને તૈનાત કરવામાં આવી છે. તેમણે કહ્યું કે હાલમાં અહીં મહિલા સૈનિકોની એક પ્લાટૂન તૈનાત કરવામાં આવી છે, જેમાં 15 થી 20 સૈનિકો હોય છે. આ પ્રદેશની નદીઓ ભારત-બાંગ્લાદેશ સરહદને વિભાજિત કરે છે. તેથી, થોડા મહિનાઓ પહેલા, BSFએ આ વિસ્તારની દેખરેખ વધારવા માટે છ નવા ફ્લોટિંગ BOP (પાણીમાં તરતી બોર્ડર પોસ્ટ્સ) તૈનાત કરી હતી. ‘BOP ગંગા’ પર સવાર આ મહિલા BSF જવાનમાંથી એક સુરક્ષાની જવાબદારી નિભાવી રહી છે, જે તેમને થોડા દિવસો પહેલા જ આપવામાં આવી છે. આ રીતે હવે બીઓપીથી સીમા સુરક્ષાનો મોરચો BSFની મહિલા બહાદુર જવાનોએ સંભાળી લીધો છે અને હવે તે સ્વતંત્ર રીતે લડાયક ભૂમિકામાં જોવા મળશે.
સુંદરવન ક્ષેત્રની સુરક્ષા પડકારોથી ભરેલી છે
ઉલ્લેખનીય છે કે ભારત અને બાંગ્લાદેશની સરહદ વચ્ચે સેંકડો કિલોમીટરમાં ફેલાયેલા સુંદરવન વિસ્તારની સુરક્ષા ખૂબ જ પડકારજનક છે. આ વિસ્તાર ગાઢ જંગલો અને ભેજવાળી જમીનથી ભરેલો છે. આ પ્રદેશમાંથી પશુઓ અને ડ્રગ્સની દાણચોરી અને ઘૂસણખોરી એ એક મોટી સમસ્યા છે. ચારેબાજુ ગાઢ જંગલ અને પાણીથી ઘેરાયેલા હોવાને કારણે બીએસએફ તરતી બીઓપી દ્વારા ચોવીસ કલાક નજર રાખે છે. એટલા માટે અહીં તરંગો પર સવાર થઈને મુશ્કેલ સંજોગોમાં ફરજ બજાવવી પડે છે.
આ પણ વાંચો–યુપીના રસ્તાઓ પર રાતે રોડવેઝની બસો નહીં દોડે, ગાઢ ધુમ્મસમાં અકસ્માતો રોકવા સરકારનો નિર્ણય
ગુજરાત ફર્સ્ટ તમને સમાચારોથી હંમેશા અવગત રાખશે
ગુજરાતની નંબર 1 ગુજરાતી ન્યૂઝ ચેનલ એટલે ગુજરાત ફર્સ્ટ (Gujarat First) – જે ગુજરાતીઓને દરેક સમાચારમાં રાખે છે આગળ. ગુજરાત, રાષ્ટ્રીય, આંતરરાષ્ટ્રીય, ઇલેક્શન, બિઝનેસ, સ્પોર્ટ્સ, મનોરંજન સહિતના દરેક સમાચાર વાંચો ગુજરાત ફર્સ્ટ પર. હવે દરેક સમાચાર આંગળીના ટેરવે આપના મોબાઈલમા, ડાઉનલોડ કરો અમારી લેટેસ્ટ Android અને iOS એપ. લેટેસ્ટ ન્યૂઝથી અપડેટ રહેવા માટે સોશ્યિલ મીડિયામાં અમારી સાથે જોડાઓ.
Happy Birthday Ro-Hit – બોલર તરીકે કરી હતી ક્રિકેટ કારકિર્દીની શરૂઆત, આજે વિશ્વના શ્રેષ્ઠ બેટ્સમેનમાં થાય છે ગણના
By Hardik Shah
Vipul Pandya
i have 22 years experince in journalism field in diffrent media instituie like etv gujarati, tv9, sandesh news and gujarat samachar and divy bhaskar news paper. crime and political news is my favoaurit subject