‘આ ગરીબી શું છે?’: સીતારમણે રાહુલ ગાંધીની 2013ની ટિપ્પણીની મજાક ઉડાવી

દેશમાં ગરીબીના મુદ્દા પર સંસદમાં નિર્મલા સીતારમણે રાહુલ ગાંધીનું નામ લીધા વિના પ્રહાર કર્યા, નાણામંત્રીએ

પોતાના સંબોધનમાં કહ્યું કે ‘કોંગ્રેસના એક નેતાએ કહ્યું હતું કે ગરીબી એ મનની સ્થિતિ છે’.

પ્રિયંકા ચતુર્વેદી અને સીતારમણ સામસામે

શિવસેનાના સાંસદ પ્રિયંકા ચતુર્વેદીએ વિરોધ કર્યો કે, નાણામંત્રી ગરીબ લોકોની મજાક ઉડાવી રહ્યા છે, સીતારમણે કહ્યું, “હું ગરીબ લોકોની મજાક ઉડાવી રહી નથી. જે વ્યક્તિએ ગરીબોની મજાક ઉડાવી હતી, તમે તેની પાર્ટી સાથે ગઠબંધનમાં છો.” રાજ્યસભાના ડેપ્યુટી ચેરમેને કહ્યું કે માત્ર સીતારમણનું ભાષણ રેકોર્ડ પર હશે. “મને આશ્ચર્ય થાય છે કે એક વિચારશીલ મહિલા કહી રહી છે કે હું ગરીબોની મજાક ઉડાવી રહી છું. જ્યારે તેણીનો પક્ષ કોંગ્રેસના નેતાની પાર્ટી સાથે જોડાણમાં છે. આ મારું નિવેદન નથી. મેં ફક્ત તે વ્યક્તિને ટાંક્યા છે, “સીતારમણે કહ્યું હતું કે ‘ગરીબી એ મનની સ્થિતિ છે’

એક તમિલ કહેવતનો સહારો લેતા સીતારમણે કહ્યું કે, તેણીએ કોઈનું નામ નથી લીધું પરંતુ બધાએ બચાવ કરવાનું શરૂ કર્યું. “જો તમે તમિલ કહેવતનો રફ ભાષાંતર કરવા માંગો છો, તો તે આ છે: ‘વરસાદની મોસમમાં દેડકા ક્યાં છે તે કોઈ જાણતું નથી, પરંતુ તે ક્રોક-ક્રોક કરતા જાય છે’. અહીં પણ એવું જ થયું.”

શું છે 2013નો વિવાદ ?
2013માં રાહુલ ગાંધીએ કહ્યું હતું કે, “ગરીબી એ માત્ર એક મનની સ્થિતિ છે. તેનો અર્થ ખોરાક, પૈસા કે ભૌતિક વસ્તુઓની અછત નથી. જો વ્યક્તિમાં આત્મવિશ્વાસ હોય તો વ્યક્તિ ગરીબીને દૂર કરી શકે છે.”

શું થયું સત્રમાં?
સીતારમણ શુક્રવારે બજેટ 2022 પર ઉપલા ગૃહમાં બોલી રહ્યા હતા અને પ્રશ્નોના જવાબ આપી રહ્યા હતા. બજેટ 2022માં ગરીબો માટે કંઈ ન હોવાના પૂર્વ નાણામંત્રીના આરોપોનો જવાબ આપતાં નિર્મલા સીતારમણે કહ્યું, “તમે જે ગરીબોની વાત કરી રહ્યા છો તે શું છે?’ . પૂર્વ કોંગ્રેસ પ્રમુખે કહ્યું હતું કે, ગરીબીનો અર્થ ખોરાક, પૈસા અથવા ભૌતિક વસ્તુઓની અછત નથી. જો કોઈ વ્યક્તિમાં આત્મવિશ્વાસ હોય, તો તે તેના પર કાબુ મેળવી શકે છે, તેમ કોંગ્રેસના નેતાએ જણાવ્યું હતું’. તેણે કહ્યું કે તે મનની સ્થિતિ છે. મેં તે વ્યક્તિનું નામ નથી આપ્યું પરંતુ અમે જાણીએ છીએ કે તે કોણ છે’. તેમણે એમ પણ કહ્યું કે, આ ટિપ્પણી મીડિયામાં વ્યાપકપણે નોંધવામાં આવી હતી અને તે ફક્ત કોંગ્રેસના નેતાને ટાંકી રહી હતી.

રાહુ કાળ વિવાદ શું છે ?

કોંગ્રેસના વરિષ્ઠ નેતા કપિલ સિબ્બલની ટિપ્પણી હતી કે ‘ભારત અમૃત કાળમાં નથી પરંતુ 2014થી રાહુકાળમાં છે’. નાણામંત્રીએ કપિલ સિબ્બલની ટીખળ કરી કે ‘રાહુ-કાલ’માં જ જી-23નું ઉત્પાદન થયું છે. વર્, 2013માં રાહુલ ગાંધીએ તત્કાલિન વડાપ્રધાન મનમોહન સિંહના વટહુકમને કચડી નાખ્યાની ઘટનાનો ઉલ્લેખ કરતા સીતારમણે કહ્યું, ‘તે રાહુ-કાળ હતો’. ‘પાર્ટીના વરિષ્ઠ નેતાઓ પાર્ટી છોડી રહ્યા છે. નાણામંત્રીએ કહ્યું કે ‘પાર્ટી ‘લડકી હૂં લડ શક્તિ હૂં’ના નારા આપી રહી છે પરંતુ રાજસ્થાનમાં મહિલાઓ લડી શકતી નથી’.